ഫേസ്മാസ്‌ക് ധരിക്കാതെ മത്സരം കണ്ട പോര്‍ച്ചുഗല്‍ സൂപ്പര്‍ താരം ക്രിസ്ത്യാനോ റൊണാള്‍ഡോയോട് മാസ്‌ക് അണിയാന്‍ ആവശ്യപ്പെട്ട് യുവേഫ സ്റ്റാഫ്. സംഭവത്തിന്റെ വീഡിയോ ഇതിനോടകം സോഷ്യല്‍മീഡിയയില്‍ നിറഞ്ഞു കഴിഞ്ഞു. യുവേഫ നേഷന്‍സ് ലീഗില്‍ ഇന്നലെ നടന്ന പോര്‍ച്ചുഗല്‍-ക്രൊയേഷ്യ മത്സരത്തിനിടെയായിരുന്നു സംഭവം. സ്റ്റാഫിന്റെ അഭ്യര്‍ത്ഥന പ്രകാരം താരം മാസ്‌ക് ധരിക്കുന്നതും വീഡിയോയില്‍ വ്യക്തമാണ്.
Nunca se esqueçam da máscara 😷 pic.twitter.com/hNPmHOwUyY
— B24 (@B24PT) September 5, 2020
പരിക്ക് പറ്റിയതിനെ തുടര്‍ന്ന് ക്രൊയേഷ്യക്കെതിരെ കളത്തിലിറങ്ങാതിരുന്ന താരം ഗ്യാലറിയില്‍ മറ്റ് താരങ്ങള്‍ക്കൊപ്പം ഇരിക്കുന്നത് വീഡിയോയില്‍ കാണാം. മറ്റുള്ളവര്‍ മാസ്‌ക് ധരിച്ചിട്ടുണ്ടെങ്കിലും ക്രിസ്ത്യാനോ മാസ്‌ക് ഇല്ലാതെയാണ് ഇരിക്കുന്നത്. അല്‍പം കഴിയുമ്പോള്‍ ഒരു യുവതി വന്ന് അദ്ദേഹത്തോട് മാസ്‌ക് ധരിക്കാന്‍ ആവശ്യപ്പെടുന്നു. തുടര്‍ന്ന് പോര്‍ച്ചുഗല്‍ താരം മാസ്‌ക് ധരിക്കുകയാണ്. മാസ്‌ക് ധരിച്ചതിന് ശേഷമാണ് യുവതി അവിടെ നിന്ന് മടങ്ങുന്നത്.
Discussion about this post