ആര്‍ക്കും പകരം വെയ്ക്കാന്‍ ഇല്ലാത്ത സ്‌നേഹമാണ് വളര്‍ത്ത് മൃഗമായ നായ. സ്വന്തം ജീവന്‍ പണയപ്പെടുത്തിയും തങ്ങളുടെ പ്രിയപ്പെട്ടവരെ രക്ഷിക്കാന്‍ ഇറങ്ങുന്ന നായകളും അനവധിയാണ്. ഇപ്പോള്‍ സോഷ്യല്‍മീഡിയയില്‍ നിറയുന്നത് തന്റെ യജമാനന് ചെടി നടാന്‍ കുഴി മാന്തി കൊടുക്കുന്ന നായയുടെ വീഡിയോ ആണ്.
വീടിന്റെ പരിസരത്ത് പൂന്തോട്ടമൊരുക്കാന്‍ തയ്യാറെടുക്കുന്ന വ്യക്തിയും അയാളുടെ നായയുമാണ് വീഡിയോയിലെ കഥാപാത്രങ്ങള്‍. ചെടി നടാന്‍ മണ്ണില്‍ കുഴിയെടുക്കാന്‍ യജമാനന് ആവശ്യപ്പെടുന്നതിന് പിന്നാലെ ആവേശത്തോടെ മണ്ണുമാന്തുന്ന നായയെ ദൃശ്യങ്ങളില്‍ കാണാം. അത്യവശ്യം ആഴത്തിലൊരു കുഴിയെടുത്തതിന് പിന്നാലെ യജമാനന്റെ നിര്‍ദേശാനുസരണം പിന്നിലേക്ക് മാറി നില്‍ക്കുന്നുമുണ്ട് നായ.
15 സെക്കന്‍ഡ് ദൈര്‍ഘ്യമുള്ള ഈ വീഡിയോ നിമിഷങ്ങള്‍ക്കകം തന്നെ സോഷ്യല്‍മീഡിയയില്‍ നിറഞ്ഞു കഴിഞ്ഞു. ‘പൂന്തോട്ടമൊരുക്കാന്‍ സഹായിക്കുന്ന നല്ലകുട്ടി’യെന്ന അടിക്കുറിപ്പോടെ വെല്‍കം ടു നേച്ചര്‍ എന്ന ട്വിറ്റര്‍ അക്കൗണ്ടിലാണ് വീഡിയോ പോസ്റ്റ് ചെയ്തത്.
good boy helps with gardening pic.twitter.com/gBcy52vivE
— Welcome To Nature (@welcomet0nature) August 20, 2020