വാഷിംഗ്ടണ്‍: അമേരിക്കന്‍ പ്രസിഡണ്ട് ഡൊണാള്‍ഡ് ട്രംപിന്റെ സഹോദരന്‍ റോബര്‍ട്ട് ട്രംപ് അന്തരിച്ചു. ശനിയാഴ്ച രാത്രി ആശുപത്രിയില്‍ വെച്ചായിരുന്നു അന്ത്യം. സഹോദരന്റെ മരണവിവരം അറിയിച്ച് കൊണ്ട് ട്രംപ് പ്രസ്താവന പുറത്തിറക്കി.
71 വയസ്സായിരുന്നു. അറിയപ്പെടുന്നു ബിസ്സിനസ്സുകാരനായ റോബര്‍ട്ട് ട്രംപ്. ഡൊണാള്‍ഡ് ട്രംപിന്റെ ഇളയ സഹോദരനാണ്. അസുഖബാധിതനായതിനെ തുടര്‍ന്ന് ന്യൂയോര്‍ക്കിലെ ആശുപത്രിയില്‍ പ്രവേശിപ്പിക്കപ്പെട്ട റോബര്‍ട്ട് ട്രംപ് ശനിയാഴ്ച രാത്രിയാണ് മരിച്ചത്.
സഹോദരന്റെ മരണവിവരം ഡൊണാള്‍ഡ് ട്രംപാണ് അറിയിച്ചത്. എന്റെ സഹോദരന്‍ റോബര്‍ട്ട് മരണപ്പെട്ട വിവരം കടുത്ത വേദനയോടെ അറിയിക്കുന്നു. അവന്‍ എന്റെ വെറും സഹോദരന്‍ മാത്രമായിരുന്നില്ല. എന്റെ ആത്മാര്‍ത്ഥ സുഹൃത്ത് കൂടിയായിരുന്നുവെന്ന് ട്രംപ് പറയുന്നു.
അവനെ വളരെ അധികം മിസ്സ് ചെയ്യും. എന്നാല്‍ ഞങ്ങള്‍ വീണ്ടും കണ്ടുമുട്ടും. അവന്റെ ഓര്‍മ്മകള്‍ എന്റെ ഹൃദയത്തിനുളളില്‍ എന്നുമുണ്ടാകും. റോബര്‍ട്ട്, ഞാന്‍ നിന്നെ സ്നേഹിക്കുന്നു. സമാധാനത്തോടെ വിശ്രമിക്കൂ എന്നും ട്രംപ് കൂട്ടിച്ചേര്‍ത്തു.
Discussion about this post