ബാഴ്സലോണ: സ്പാനിഷ് ക്ലബ്ബ് ബാഴ്സലോണയുടെ താരത്തിനും കൊവിഡ് 19 സ്ഥിരീകരിച്ചു. പുതിയ സീസണ് മുമ്പുള്ള പരിശീലനത്തിനായി മടങ്ങിയെത്തിയ ഒമ്പത് താരങ്ങളില്‍ ഒരാള്‍ക്കാണ് വൈറസ് ബാധ സ്ഥിരീകരിച്ചിരിക്കുന്നത്.
പക്ഷേ ഈ താരം ആരെന്നോ പേരോ ക്ലബ് വ്യക്തമാക്കിയിട്ടില്ല. ഈ വ്യക്തിക്ക് രോഗ ലക്ഷണങ്ങള്‍ ഒന്നും തന്നെ ഉണ്ടായിരുന്നില്ലെന്നും ഇയാള്‍ ഇപ്പോള്‍ വീട്ടില്‍ ക്വാറന്റൈനിലാണെന്നും ക്ലബ്ബ് അറിയിച്ചു. പുതിയ സീസണ് മുമ്പുള്ള പരിശീലനത്തിനായി മടങ്ങിയെത്തിയ ഒമ്പത് താരങ്ങള്‍ക്കും ചൊവ്വാഴ്ച പിസിആര്‍ പരിശോധന നടത്തിയിരുന്നു.
ഇതിന്റെ ഫലം വന്നപ്പോഴാണ് ഒരാള്‍ക്ക് വൈറസ് ബാധ സ്ഥിരീകരിച്ചത്. അതേസമയം ഈ താരം ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലിനായി ലിസ്ബണിലേക്ക് വ്യാഴാഴ്ച യാത്ര തിരിക്കാനൊരുങ്ങുന്ന ബാഴ്സ ടീമിലെ ആരുമായും ബന്ധപ്പെട്ടിട്ടില്ലെന്നും ക്ലബ്ബ് അറിയിച്ചു.
One positive case of Covid-19 among the nine players starting the preseason. https://t.co/8wtNikt2mZ
— FC Barcelona (@FCBarcelona) August 12, 2020
Discussion about this post