വിവാഹാഭ്യര്‍ത്ഥന നടത്താന്‍ കാമുകിക്ക് സര്‍പ്രൈസ് ഒരുക്കിയ കാമുകന് കിട്ടിയത് എട്ടിന്റെ പണി. നൂറോളം ടീ ലൈറ്റ് കാന്‍ഡിലുകളും മറ്റ് ഒരുക്കങ്ങളും നടത്തി കാമുകിയെയും കൂട്ടി എത്തുമ്പോഴാണ് സ്വന്തം ഫ്‌ളാറ്റ് നിന്ന് കത്തുന്നത് കണ്ട്. യുകെയിലെ ഷെഫീല്‍ഡ് സ്വദേശിയായ ആല്‍ബര്‍ട്ട് ആന്‍ഡ്രേയ്ക്കാണ് എട്ടിന്റെ പണി കിട്ടയത്.
ഏറെ നാളായി പ്രണയത്തിലായിരുന്നു ആല്‍ബര്‍ട്ട്. കാമുകിയോട് വിവാഹക്കാര്യം തുറന്ന് സംസാരിക്കാനുള്ള തയ്യാറെടുപ്പിനായാണ് വന്‍ സര്‍പ്രൈസ് ഒരുക്കിയത്. വീട് മുഴുവന്‍ ഒരുക്കി, അലങ്കരിച്ച്, ടീ ലൈറ്റ് കാന്‍ഡിലെല്ലാം നിരത്തിവച്ച്, വൈന്‍ കുപ്പിയും ഗ്ലാസുകളുമെല്ലാം മേശപ്പുറത്ത് തയ്യാറാക്കി വെച്ച ശേഷമാണ് ആല്‍ബര്‍ട്ട് കാമുകിയെ ഓഫീസില്‍ നിന്ന് കൂട്ടിക്കൊണ്ടുവരാനായി വീട്ടില്‍ നിന്നിറങ്ങിയത്.
തിരികെ വരുമ്പോള്‍ ഈ ഒരുക്കങ്ങളെല്ലാം കണ്ട് കാമുകി ഞെട്ടിത്തരിച്ചുപോകുമെന്നായിരുന്നു ആല്‍ബര്‍ട്ടിന്റെ പ്രതീക്ഷ. പക്ഷേ ഫ്‌ളാറ്റ് നിന്ന് കത്തുന്നത് കണ്ട് ആല്‍ബര്‍ട്ട് ആണ് തരിച്ച് നിന്ന് പോയത്. ആരോ വിളിച്ച് വിവരമറിയിച്ചതിനെ തുടര്‍ന്ന് മൂന്ന് യൂണിറ്റോളം ഫയര്‍ എഞ്ചിനുകളും സ്ഥലത്തെത്തിയിരിക്കുന്നു.
എന്താണ് സംഭവിച്ചതെന്ന് ആദ്യമൊന്നും ആല്‍ബര്‍ട്ടിന് മനസിലായില്ല. പിന്നീട് ഫയര്‍ സ്റ്റേഷന്‍ ഉദ്യോഗസ്ഥര്‍ ചോദിച്ചപ്പോഴാണ് കാമുകിക്ക് ‘സര്‍പ്രൈസ്’ നല്‍കുന്നതിനായി വീട് ഒരുക്കിയ കാര്യവും, നൂറോളം ടീ ലൈറ്റ് കാന്‍ഡിലുകള്‍ കത്തിച്ചുവച്ച കാര്യവുമെല്ലാം ആല്‍ബര്‍ട്ട് വെളിപ്പെടുത്തിയത്. കാന്‍ഡില്‍ ലൈറ്റുകളില്‍ നിന്ന് തീ പടര്‍ന്നാണ് ഫ്‌ളാറ്റ് കത്തി നശിച്ചത്. വീട്ടിനകത്ത് ആരുമില്ലാത്തതിനാല്‍ തീ പടരുന്നത് കണ്ട അയല്‍വാസികളാണ് സംഭവം ഫയര്‍ സ്റ്റേഷനില്‍ വിളിച്ചറിയിച്ചത്. എ
THREAD: Look closely. What do you see? That's right, hundreds of tea light candles! 🕯️
Want to know what happened here? We thought you did. It involves a romantic proposal that didn't quite go to plan, and includes an important lesson around candle use.
Lets go! ⬇️ pic.twitter.com/p8aU6pQAUF
— South Yorkshire Fire (@SYFR) August 4, 2020
Discussion about this post