സോള്: ഹൃദയശാസ്ത്രക്രിയയ്ക്ക് വിധേയനായ ഉത്തരകൊറിയന് ഏകാധിപതി കിം ജോങ് ഉന്നിന്റെ ആരോഗ്യനില ഗുരുതരമാണെന്നും അദ്ദേഹത്തിന് മസ്തിഷ്ക മരണം സംഭവിച്ചുവെന്നുമുള്ള രീതിയില് മാധ്യമങ്ങളില് വാര്ത്തകള് പ്രചരിച്ചിരുന്നു. കിമ്മിന് സൗഖ്യം നേര്ന്ന് അമേരിക്കന് പ്രസിഡന്റ് ഡൊണാള്ഡ് ട്രംപും രംഗത്തെത്തിയിരുന്നു. എന്നാല് ദക്ഷിണ കൊറിയ ഈ വാര്ത്തകളെല്ലാം തള്ളി.
ആരോഗ്യനില സംബന്ധിച്ച് നിരവധി അഭ്യൂഹങ്ങള് നിലനില്ക്കെ ഉത്തരകൊറിയന് ഭരണാധികാരി കിം ജോങ് ഉന് പൊതുചടങ്ങളില് പങ്കെടുത്തതായി ഉത്തരകൊറിയന് മാധ്യമം റിപ്പോര്ട്ട് ചെയ്തു. നീണ്ട 20 ദിവസത്തെ ഇടവേളയ്ക്ക് ശേഷമാണ് അദ്ദേഹം ഒരു പൊതുചടങ്ങില് പ്രത്യക്ഷപ്പെടുന്നത്.
പ്യോംഗ് യാംഗിലെ വളം നിര്മാണ വ്യവസായ കേന്ദ്രം കിം ജോങ് ഉദ്ഘാടനം ചെയ്തതായി കൊറിയന് സെന്ട്രല് വാര്ത്താ ഏജന്സിയാണ് റിപ്പോര്ട്ട് ചെയ്തത്. സഹോദരി കിം യോ ജോങിനും രാജ്യത്തെ മുതിര്ന്ന ഉദ്യോഗസ്ഥര്ക്കുമൊപ്പമാണ് കിം ജോങ് ഉന് ചടങ്ങിനെത്തിയതെന്നും റിപ്പോര്ട്ടില് പറയുന്നു.
കിമ്മിനെ ജനങ്ങള് ആഘോഷത്തോടെയാണ് സ്വീകരിച്ചതെന്നും റിപ്പോര്ട്ടില് ചൂണ്ടിക്കാട്ടുന്നു. വ്യവസായ കേന്ദ്രം കിം ജോങ് നാട മുറിച്ച് ഉദ്ഘാടനം ചെയ്യുന്ന ചിത്രങ്ങള് കൊറിയന് സെന്ട്രല് വാര്ത്താ ഏജന്സിയും പുറത്തുവിട്ടിരുന്നു. അതേസമയം ഇക്കാര്യം സ്ഥിരീകരിക്കപ്പെട്ടിട്ടില്ല.
Discussion about this post