പ്രാഗ്: പ്രായഭേദമന്യേ ഏവരുടെയും പ്രിയപ്പെട്ട കാര്‍ട്ടൂണ്‍ ചിത്രങ്ങളായ ടോം ആന്റ് ജെറിയുടെയും പോപോയുടെയും സംവിധായകന്‍ യൂജീന്‍ മെറില്‍ ഡീച്ച്(95) അന്തരിച്ചു. ഓസ്‌കാര്‍ ജേതാവായിരുന്നു അദ്ദേഹം. വ്യാഴാഴ്ച രാത്രിയോടെ പ്രാഗിലെ അപ്പാര്‍ട്ട്മെന്റില്‍വെച്ചാണ് മരണമടഞ്ഞതെന്ന് കുടുംബം അറിയിച്ചു.
വാര്‍ധക്യസഹജമായ അസുഖങ്ങളെ തുടര്‍ന്ന് മാസങ്ങളായി ചികിത്സയിലായിരുന്നു. 1924-ല്‍ ഷിക്കാഗോയിലായിരുന്നു യൂജീന്‍ മെറില്‍ ജനിച്ചത്. വ്യോമസേനയില്‍ പൈലറ്റായി ജോലിചെയ്തതിന് ശേഷമാണ് യൂജീന്‍ സിനിമാ രംഗത്തേയ്ക്ക് പ്രവേശിക്കുന്നത്.
ആനിമേഷന്‍, ഇലസ്ട്രേഷന്‍ രംഗത്തെത്തിയ അദ്ദേഹം കുട്ടികളുടെ എക്കാലത്തെയും പ്രിയപ്പെട്ട അനിമേഷന്‍ ചിത്രങ്ങളുടെ സംവിധായകനായി മാറുകയായിരുന്നു. ടോം ആന്‍ഡ് ജെറി ഫിലിം സീരീസിലെ 13 ചിത്രങ്ങളും പോപേയ് ദി സെയ്ലര്‍ പരമ്പരയിലെ ഏതാനും ചിത്രങ്ങളും ജീന്‍ സംവിധാനം ചെയ്തിട്ടുണ്ട്. മണ്‍റോ എന്ന അനിമേറ്റഡ് ഷോര്‍ട്ട് ഫിലിമിലൂടെയാണ് അദ്ദേഹത്തിന് ഓസ്‌കര്‍ അവാര്‍ഡ് ലഭിച്ചത്.
Discussion about this post