ഖത്തര്: ഖത്തറില് രണ്ട് പേര്ക്ക് കൂടി കൊറോണ സ്ഥിരീകരിച്ചു. ഖത്തര് ആരോഗ്യ മന്ത്രാലയമാണ് വൈറസ് ബാധ സ്ഥിരീകരിച്ചത്. ഇതോടെ ഖത്തറില് കോവിഡ്-19 സ്ഥിരീകരിച്ചവരുടെ എണ്ണം മൂന്നായി.
കൊറോണ ബാധ സ്ഥിരീകരിച്ചവരുടെ ആരോഗ്യനില തൃപ്തികരമാണെന്ന് ആരോഗ്യ മന്ത്രാലയം അറിയിച്ചു. രണ്ട് പേരില് കൂടി വൈറസ് സ്ഥിരീകരിച്ചതോടെ ഖത്തര് ആരോഗ്യ മന്ത്രാലയം കനത്ത ജാഗ്രത നിര്ദേശം പാലിക്കണമെന്ന് അറിയിച്ചു.
നേരത്തെ ഇറാന് സന്ദര്ശിച്ച് മടങ്ങിയെത്തിയ 36 കാരനിലായിരുന്നു വൈറസ് ബാധ സ്ഥിരീകരിച്ചത്. രാജ്യത്തെ തുറമുഖങ്ങളിലും വിമാനത്താവളങ്ങളിലും കൊറോണ ബാധയുള്ള രാജ്യങ്ങളില് നിന്നെത്തുന്നവരെ പ്രത്യേകം പരിശോധിക്കുന്നുണ്ട്. ആരോഗ്യ മന്ത്രാലയത്തിന്റെ നിര്ദേശങ്ങള് എല്ലാവരും പാലിക്കണമെന്ന് അധികൃതര് അറിയിച്ചു.
ആരോഗ്യ പ്രശ്നങ്ങള് അനുഭവപ്പെടുന്നവര് വൈദ്യസഹായം തേടണമെന്നും അധികൃതര് വ്യക്തമാക്കി. വൈറസ് ബാധ റിപ്പോര്ട്ട് ചെയ്ത ഇറാന്, ദക്ഷിണ കൊറിയ എന്നിവിടങ്ങളില് നിന്നെത്തുന്നവര് 14 ദിവസത്തേക്ക് വീട്ടില് തനിച്ചോ പ്രത്യേക ഐസൊലേഷന് കേന്ദ്രങ്ങളിലോ കഴിയണമെന്നും നേരത്തെ നിര്ദേശം ഉണ്ടായിരുന്നു.
Discussion about this post