ന്യൂയോര്‍ക്ക്: ചൈനയില്‍ പടര്‍ന്നുകൊണ്ടിരിക്കുന്ന കൊറോണ വൈറസ് ദൈവത്തിന്റെ ‘മരണ മാലാഖ’ ആണെന്ന് പാസ്റ്റര്‍ റിക്ക് വൈല്‍സ്. ടെലിവിഷനുകളിലും സിനിമകളിലുമൊക്കെയുള്ള അശ്ലീലങ്ങളും ആഭാസത്തരങ്ങളുമാണ് കൊറോണ വൈറസ് പടരാന്‍ കരാണമെന്നും പാസ്റ്റര്‍ വൈല്‍സ് കുറ്റപ്പെടുത്തി.
കൊറോണ വൈറസ് ദൈവത്തിന്റെ ‘മരണ മാലാഖ’ ആണ്. മാതാപിതാക്കള്‍ കൊച്ചുകുട്ടികളെ നപുംസകങ്ങളാക്കാന്‍ ശ്രമിക്കുകയാണെന്നും, ടെലിവിഷനുകളിലും സിനിമകളിലുമൊക്കെയുള്ള അശ്ലീലങ്ങളും ആഭാസത്തരങ്ങളുമാണ് കൊറോണ വൈറസ് പടരാന്‍ ആധാരമെന്നും പാസ്റ്റര്‍ വൈല്‍സ് പറഞ്ഞു.
ഇത് ദൈവിക ന്യായവിധിയായാണ് താന്‍ കാണുന്നതെന്നും പാസ്റ്റര്‍ വൈല്‍സ് പറഞ്ഞു. കൊറോണ വൈറസിനെക്കുറിച്ചുള്ള പാസ്റ്റര്‍ വൈല്‍സ് ഏറ്റവും പുതിയ അഭിപ്രായങ്ങള്‍ ആദ്യം റിപ്പോര്‍ട്ട് ചെയ്തത് റൈറ്റി വിംഗ് വാച്ചാണ്. ഫ്‌ലോറിഡയിലെ ‘നോണ്‍ ഡിനോമിനേഷന്‍ ഫ്‌ലോയിംഗ് സ്ട്രീംസ്’ ചര്‍ച്ചിലെ സീനിയര്‍ പാസ്റ്ററും ‘ട്രൂ ന്യൂസ് സ്ട്രീമിംഗ്’ ചാനലിന്റെ സ്രഷ്ടാവുമാണ് വൈല്‍സ്.
Discussion about this post