മല്ലപ്പള്ളി: ആറ്റില്‍ ചാടിയ വിദ്യാര്‍ത്ഥിയെ നാട്ടുകാരന്‍ രക്ഷപ്പെടുത്തി. പത്തനംതിട്ട ജില്ലയിലെ മണിമലയാറ്റിലെ മല്ലപ്പള്ളിയിലാണ് സംഭവം. മല്ലപ്പള്ളി വലിയ പാലത്തിനോട് ചേര്‍ന്നുള്ള നടപ്പാലത്തില്‍ നിന്ന് താഴേക്ക് ചാടിയ പ്ലസ് വണ്‍ വിദ്യാര്‍ത്ഥിയെയാണ് രക്ഷപ്പെടുത്തിയത്.
ബുധനാഴ്ച വൈകിട്ട് നാലരയോടെയാണ് സംഭവം. വിദ്യാര്‍ത്ഥി ആറ്റിലേക്ക് ചാടുന്നത് കണ്ടതോടെ ടെമ്പോ ഡ്രൈവറായ ഓതറക്കുന്നേല്‍ ഓഎ യോഹന്നാന്‍ (അനിയന്‍)അടുത്തുള്ള നാട്ടുകാരെ വിവരമറിയിച്ചു. തുടര്‍ന്ന് ഇയാളുടെ നേതൃത്വത്തില്‍ നടന്ന രക്ഷാപ്രവര്‍ത്തനത്തിലാണ് വിദ്യാര്‍ത്ഥിയെ രക്ഷപ്പെടുത്തിയത്.
വിദ്യാര്‍ത്ഥിയെ മല്ലപ്പള്ളി സ്വകാര്യ ആശുപത്രിയില്‍ എത്തിച്ച് പ്രഥമശുശ്രൂഷ നല്‍കി. പിന്നീട് വിദഗ്ദ്ധ ചികിത്സക്കായി തിരുവല്ലയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
Discussion about this post