കോഴിക്കോട്; കൊയിലാണ്ടിയില്‍ അഞ്ച് വിദ്യാര്‍ത്ഥികളില്‍ ഷിഗെല്ല സ്ഥിരീകരിച്ചു. എന്നാല്‍ ആരുടെയും നില ഗുരുതരമല്ല. കീഴ്പ്പയ്യൂര്‍ വെസ്റ്റ് എല്‍പി സ്‌കൂളില്‍ നിന്ന് ഭക്ഷ്യവിഷബാധയേറ്റ വിദ്യാര്‍ത്ഥികളിലാണ് ഷിഗെല്ല സ്ഥിരീകരിച്ചത്.
കഴിഞ്ഞ വെള്ളിയാഴ്ചയാണ് നാല്‍പത്തിനാല് വിദ്യാര്‍ത്ഥികള്‍ക്ക് ഭക്ഷ്യവിഷബാധയേറ്റത്. ഉച്ചഭക്ഷണത്തില്‍ നിന്ന് വിഷബാധയേറ്റെന്നായിരുന്നു ആദ്യ നിഗമനം. എന്നാല്‍ വെള്ളത്തില്‍ കണ്ടെത്തിയ കോളിഫോം ബാക്ടീരിയ ആകാം വിഷബാധയ്ക്ക് കാരണമെന്ന അനുമാനത്തിലാണ് ഭക്ഷ്യസുരക്ഷാവകുപ്പ്.
ബാക്ടീരിയ വഴി ഉണ്ടാകുന്ന വയറിളക്കമാണ് ഷിഗെല്ല. മലത്തോടൊപ്പം രക്തവും പുറത്തേക്ക് വരുന്നതു കൊണ്ടാണ് ഇതിനെ ഡിസന്ററി എന്നു പറയുന്നത്. രക്തം പുറത്തേക്ക് വരുന്നതാണ് ഷിഗെല്ല രോഗത്തെ സാധാരണ വയറിളക്കത്തില്‍ നിന്ന് വ്യത്യസ്തമാക്കുന്നത്.
Discussion about this post