കൊച്ചി: മേലുദ്യോഗസ്ഥനില്‍ നിന്നുണ്ടായ മോശം പെരുമാറ്റത്തെ തുടര്‍ന്ന് കടന്നു കളഞ്ഞ എറണാകുളം സെന്‍ട്രല്‍ സിഐ നവാസ് ഫേസ്ബുക്കിലൂടെ മാപ്പ് ചോദിച്ചു. മനസ്സ് നഷ്ടപ്പെടുമെന്നായപ്പോള്‍ ശാന്തി തേടി ഒരു യാത്രപോയതാണ് എന്നാണ് നവാസ് ഫേസ്ബുക്കില്‍ കുറിച്ചത്.
ഇന്ന് രാവിലെ കോയമ്പത്തൂരിനടുത്ത് കരൂരില്‍ വച്ച് കേരള പോലീസ് കസ്റ്റഡിയിലെടുത്ത നവാസ് കേരളത്തിലേക്കുള്ള യാത്രക്കിടയിലാണ് ഫേസ്ബുക്കിലൂടെ മാപ്പ് പറഞ്ഞത്. നവാസിന്റെ സുഹൃത്തുകള്‍ക്ക് മാത്രം കാണാന്‍ സാധിക്കുന്ന രീതിയിലാണ് ഫേസ്ബുക്ക് പോസ്റ്റ് ഇട്ടിരിക്കുന്നത്.
നവാസിന്റെ കുറിപ്പ്:
മാപ്പ്…. വിഷമിപ്പിച്ചതിന്…
മനസ്സ് നഷ്ടപ്പെടുമെന്നായപ്പോള്‍ ശാന്തി തേടി ഒരു യാത്ര പോയതാണ്
ഇപ്പോള്‍ തിരികെ യാത്ര…
ഇങ്ങനെയാണ് നവാസ് ഫേസ്ബുക്കില്‍ കുറിച്ചത്. കരൂര്‍ റെയില്‍വേ പോലീസില്‍ നിന്നും ഇന്ന് രാവിലെയോടെ മലമ്പുഴ പോലീസ് ഏറ്റെടുത്ത നവാസ് ഇപ്പോള്‍ കൊച്ചിയിലേക്കുള്ള യാത്രയിലാണ്. വൈകിട്ട് നാല് മണിയ്ക്ക് മുന്‍പായി അദ്ദേഹം കൊച്ചിയിലെത്തും എന്നാണ് കരുതുന്നത്.
Discussion about this post