കൊച്ചി: ചപ്പാത്തി, പരിപ്പുകറി, സാമ്പാര്‍, മെഴുക്കുപുരട്ടി, അവിയല്‍, വെജിറ്റബിള്‍കറി.. കേരളത്തിലെത്തിയ പ്രധാനമന്ത്രി നരേന്ദ്ര മോഡിക്ക് കൊച്ചിയില്‍ ഒരുക്കിയ നീണ്ട വിഭവങ്ങളുടെ പട്ടികയിലെ ഏതാനും വിഭവങ്ങളാണ് ഇവ. കേരളീയ ഭക്ഷണമാണ് ഗസ്റ്റ്ഹൗസില്‍ പ്രധാനമന്ത്രിക്കായി ഒരുക്കിയിരിക്കുന്നത്.
വിവിഐപി അതിഥിക്ക് സൗകര്യങ്ങള്‍ ഒരുക്കാന്‍ ടൂറിസം വകുപ്പിന്റെ വിവിധ ജില്ലകളിലെ ഗസ്റ്റ്ഹൗസ് മാനേജര്‍മാരാണ് എത്തിയത്. സസ്യാഹാരിയാണ് പ്രധാനമന്ത്രി. ശനിയാഴ്ച പ്രാതലിന് ഇഡ്ഡലി, ദോശ, പുട്ട്, ഇടിയപ്പം, അപ്പം, കടലക്കറി, വെജിറ്റബിള്‍കറി, ബ്രെഡ്‌ടോസ്റ്റ്, ബ്രെഡ് ബട്ടര്‍-ജാം തുടങ്ങി വിഭവങ്ങളുടെ നീണ്ടനിരയാണ് ഒരുക്കിയത്. പ്രധാനമന്ത്രിയായശേഷം ആദ്യമായാണ് മോഡി എറണാകുളം ഗസ്റ്റ്ഹൗസില്‍ എത്തുന്നത്.
പ്രധാനമന്ത്രിക്കൊപ്പം 40 പേരാണുണ്ടാകുക.മുമ്പ് തിരുവനന്തപുരം, കോഴിക്കോട് ഗസ്റ്റ്ഹൗസുകളില്‍ അദ്ദേഹം താമസിച്ചിട്ടുണ്ട്. ഇവിടെ കേരളീയ ഭക്ഷണമാണ് അദ്ദേഹത്തിന് ഒരുക്കിയിരുന്നത്. രാവിലെ 8.55-നാണ് പ്രധാനമന്ത്രി ഗസ്റ്റ്ഹൗസില്‍ നിന്ന് ഗുരുവായൂരിലേക്ക് പുറപ്പെടുക.
Discussion about this post