ദുബായ്: ഗിന്നസ് പക്രുവിന്റെ സെല്‍ഫിയാണ് ഇപ്പോള്‍ സോഷ്യല്‍മീഡിയയില്‍ ഇടം നേടിയിരിക്കുന്നത്.
ദുബായിലെ ഏറ്റവും വലിയ കെട്ടിടമായ ബുര്‍ജ് ഖലീഫക്ക് ചുവടെ നില്‍ന്ന് സെല്‍ഫി എടുത്തിരിക്കുകയാണ് കക്ഷി. പക്രുവിന്റെ സെല്‍ഫി ഇതിനോടകം ആരാധകര്‍ ഏറ്റെടുത്ത് കഴിഞ്ഞു.
ഉയരം ഒരു പ്രശ്‌നമേയല്ല എന്ന ക്യാപ്ഷനോടെയാണ് പക്രു ചിത്രം പങ്കുവെച്ചിരിക്കുന്നത്. ലോക റെക്കോര്‍ഡുകള്‍ ഒരു സെല്‍ഫിക്കുള്ളില്‍ എന്നും തങ്ങളുടെയെല്ലാം മനസില്‍ പക്രുവിന് ബുര്‍ജ് ഖലീഫയെക്കാളും പൊക്കമുണ്ടെന്നും ഫോട്ടോ കണ്ട് ആരാധകര്‍ പറയുന്നു. ഉയരം കുറഞ്ഞാലെന്താ നിങ്ങള്‍ ലോകപ്രശസ്തനല്ലേയെന്നാണ് ചിലരുടെ കമന്റ്. ഫോട്ടോയ്ക്കു മികച്ച പ്രതികരണമറിയിച്ചുകൊണ്ടുള്ള ആരാധകരുടെ സ്‌നേഹത്തിനു പക്രു നന്ദിയും അറിയിച്ചിട്ടുണ്ട്.
മാധവ് രാമദാസ് സംവിധാനം ചെയ്ത ഇളയരാജയിലാണ് പക്രും ഏറ്റവുമൊടുവില്‍ അഭിനയിച്ചത്. രഞ്ജിത് സ്‌കറിയയുടെ ഫാന്‍സി ഡ്രസ് ആണ് ഇനി പക്രുവിന്റേതായി പുറത്തിറങ്ങാനുള്ള ചിത്രം.
Discussion about this post