ബംഗളൂരു: കര്ണാടകയിലെ മാണ്ഡ്യയില് കാറും ടാങ്കര് ലോറിയും കൂട്ടിയിടിച്ചുണ്ടായ അപകടത്തില് നാല് പേര് മരിച്ചു. കൂത്തുപറമ്പ് സ്വദേശികളായ ദമ്പതികളാണ് മരണപ്പെട്ടത്. കൂത്തുപറമ്പ് പൂക്കോട്കുന്നപ്പാടി ബസാറിനടുത്ത ഈക്കിലിശ്ശേരി ജയദീപ് (31), ഭാര്യ ജ്ഞാന തീര്ത്ഥ (28), സുഹൃത്തായ ഏഴാംമൈലിലെ വീഡിയോഗ്രാഫര് കിരണ് (32) ഭാര്യ ചൊക്ലി യുപി. സ്കൂള് അധ്യാപിക ജിന്സി (27) എന്നിവരാണ് മരിച്ചത്.
നിര്ത്തിയിട്ട ലോറിയുടെ പുറകില് ഇവര് സഞ്ചരിച്ച കാര് വന്ന് ഇടിച്ചാണ് അപകമുണ്ടായത്. വിവാഹം കഴിഞ്ഞ് ബംഗളൂരിലേയ്ക്ക് ട്രിപ്പിന് പോയതായിരുന്നു ദമ്പതികള്. ഒരാഴ്ചമുമ്പാണ് കിരണിന്റെയും ജിന്സിയുടെയും വിവാഹം നടന്നത്. ചൊവ്വാഴ്ച വൈകുന്നേരമാണ് ദമ്പതികള് യാത്ര തിരിച്ചത്. കഴിഞ്ഞ ദിവസം രാത്രി നാട്ടിലേക്ക് തിരിച്ച് വരുമ്പോള് പുലര്ച്ചെ മാണ്ഡ്യക്കടുത്തുള്ള മധൂറില് വച്ചാണ് അപകടം സംഭവിച്ചത്.
പെട്രോള് പമ്പിന് സമീപം നിര്ത്തിയിട്ട ടാങ്കര് ലോറിയുടെ പിന്നില് കാര് ഇടിച്ചുകയറുകയായിരുന്നു. ജയദീപിന്റെ ഉടമസ്ഥതയിലുള്ളതാണ് അപകടത്തില്പ്പെട്ട കാര്. വാഹനമോടിച്ചിരുന്ന ജയദീപടക്കം മൂന്നു പേര് സംഭവസ്ഥലത്ത് വെച്ച് തന്നെ മരിച്ചിരുന്നു. ഒരാള് ആശുപത്രിയിലേക്കുള്ള വഴിമധ്യയുമാണ് മരിച്ചത്. അപകട വാര്ത്ത അറിഞ്ഞതോടെ ബന്ധുക്കള് അപകടസ്ഥലത്തേക്ക് തിരിച്ചു. ദമ്പതികളുടെ അപ്രതീക്ഷിത വിയോഗത്തിന്റെ ഞെട്ടലിലാണ് കൂത്തുപറമ്പ്.
Discussion about this post