ആലത്തൂര്‍: ഏറെ ആകാംഷയോടെ കാത്തിരുന്ന ലോക്‌സഭാ തെരഞ്ഞെടുപ്പ് ഫലം പുറത്തുവന്നപ്പോള്‍ ആലപ്പുഴയില്‍ ഒഴികെ 19 മണ്ഡലത്തിലും വിജയിച്ച് അത്ഭുതം കാണിച്ചിരിക്കുകയാണ് യുഡിഎഫ്. കൂട്ടത്തില്‍ ശ്രദ്ധേയം 28 വര്‍ഷത്തിനു ശേഷം കേരളത്തില്‍ നിന്നും ഒരു വനിതാ ദളിത് എംപി ഉണ്ടായിരിക്കുന്നു എന്നത്. ആലത്തൂരിലെ വിജയത്തോടെ യുഡിഎഫിന്റെ രമ്യാ ഹരിദാസാണ് ചരിത്രത്തിലേക്ക് നടന്നുകയറിയത്.
സോഷ്യല്‍മീഡിയയില്‍ രമ്യ ഹരിദാസിനെ അഭിനന്ദനങ്ങള്‍ കൊണ്ട് മൂടുന്നതിനിടെ ഇതിന്റെ ഭാഗമായി രംഗത്തെത്തിയിരിക്കുകയാണ് കവി കലേഷ്. രമ്യ രാഹുല്‍ ഗാന്ധിയേക്കാള്‍ മികച്ച ഫൈറ്ററാണെന്ന് കലേഷ് ഫേസ്ബുക്കില്‍ എഴുതിയ കുറിപ്പില്‍ അഭിനന്ദിച്ചിരിക്കുകയാണ്.
‘രമ്യാ ഹരിദാസ്, നിങ്ങള്‍ ചരിത്രമാണ്. ദാക്ഷായണി വേലായുധന്‍ അംഗമായിരുന്ന ഭരണഘടനാ നിര്‍മ്മാണസഭയില്‍ നിന്ന് മുന്നോട്ടോടിയ കാലം, പിന്നോട്ടുപായിക്കാനൊരുങ്ങുന്നവരുടെ മുന്‍പില്‍ നിങ്ങളുടെ പ്രാതിനിധ്യവും ഇടപെടലും രൂപപ്പെടുത്തുന്ന ഒരു പുതിയ രാഷ്ട്രീയം എങ്ങനെയാകുമെന്ന് ഉറ്റുനോക്കുന്നു. ഇവിടെ ജയിച്ചുവന്നവരില്‍ നിങ്ങളാണ് രാഹുല്‍ ഗാന്ധിയെക്കാള്‍ മികച്ച ഫൈറ്റര്‍. സല്യൂട്ട് ബ്രോ’– കലേഷിന്റെ കുറിപ്പ് ഇങ്ങനെ.
