അമ്പലപ്പുഴ: അമ്പലപ്പുഴയില്‍ യുവാവിനെ പാടത്ത് മരിച്ച നിലയില്‍ കണ്ടെത്തി. കാക്കാഴം ഏഴരപീടിക പയ്യംപള്ളില്‍ പരേതനായ ശിവരാമന്‍ രമണി ദമ്പതികളുടെ മകന്‍ രതീഷ് (35) ആണ് മരിച്ചത്.
കാക്കാഴം പാടത്തിന്റെ തെക്കേപുറം ബണ്ടില്‍ ഇന്ന് വൈകിട്ട് 4 ഓടെയാണ് മൃതദേഹം കണ്ടെത്തിയത്. അടിവസ്ത്രം മാത്രം ധരിച്ച നിലയിലായിരുന്നു മൃതദേഹം കണ്ടെത്തിയത്. രതീഷിന് പാമ്പുകടിയേറ്റതായി സംശയിക്കുന്നു.
നാട്ടുകാര്‍ വിവരമറിയിച്ചതിനെ തുടര്‍ന്ന് അമ്പലപ്പുഴ പോലീസെത്തി മൃതദേഹം വണ്ടാനം മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി.