തിരുവനന്തപുരം: തിരുവനന്തപുരം നഗരത്തില്‍ വന്‍ തീപിടിത്തം. പഴവങ്ങാടി റോഡില്‍ ഓവര്‍ബ്രിഡ്ജിന് സമീപത്തുള്ള ചെല്ലം അംബ്രല്ല മാര്‍ട്ട് എന്ന വ്യാപാര സ്ഥാപനത്തിലാണ് വന്‍ തീപിടിത്തമുണ്ടായത്. ചൊവ്വാഴ്ച രാവിലെ 9.45-ഓടെയായിരുന്നു സംഭവം.
കൂടുതല്‍ അപകടസാധ്യത കണക്കിലെടുത്ത് സ്ഥലത്തുനിന്ന് ആളുകളെ ഒഴിപ്പിക്കുകയാണ്. സംഭവത്തെ തുടര്‍ന്ന് അഞ്ചിലധികം ഫയര്‍ഫോഴ്സ് യൂണിറ്റുകള്‍ സ്ഥലത്തെത്തി തീയണയ്ക്കാനുള്ള ശ്രമങ്ങള്‍ തുടരുകയാണ്. കൂടുതല്‍ ഫയര്‍ഫോഴ്സ് യൂണിറ്റുകള്‍ സംഭവ സ്ഥലത്തേക്ക് എത്തികൊണ്ടിരിക്കുകയാണ്.
പോലീസും സ്ഥലത്ത് എത്തിയിട്ടുണ്ട്. മറ്റു പ്രദേശങ്ങളിലേക്ക് തീ പടരാതിരിക്കാനുളള ശ്രമവും തുടരുകയാണ്. തിരക്കേറിയ സമയത്താണ് വ്യാപാര സ്ഥാപനത്തില്‍ തീപിടിത്തമുണ്ടായത്. അതുകൊണ്ട് തന്നെ പ്രദേശത്ത് നിന്നും ജനങ്ങളെ ഒഴിപ്പിക്കുന്നതിനുളള നടപടിയും സ്വീകരിച്ചിട്ടുണ്ട്.
തീപിടിച്ച കടയ്ക്ക് സമീപം പെട്രോള്‍ പമ്പും വസ്ത്ര വ്യാപാര സ്ഥാപനവും സ്ഥിതി ചെയ്യുന്നുണ്ട്. എന്നാല്‍ തീപ്പിടിത്തമുണ്ടായ കെട്ടിടത്തില്‍ ആരുമില്ലെന്നാണ് ഫയര്‍ഫോഴ്സ് ഉദ്യോഗസ്ഥര്‍ അറിയിച്ചത്. തീ നിയന്ത്രണ വിധേയമാണ്.
Discussion about this post