പൂഞ്ഞാര്‍: വിവാഹവാഗ്ദാനം നല്‍കി യുവതിയെ പീഡിപ്പിച്ച യുവാവിനെ അറസ്റ്റചെയ്യ്തു. സ്വകാര്യ ബസ് കണ്ടക്ടര്‍ ഡിബിന്‍ ആണ് പോലീസ് പിടിയിലായത്. വിവാഹിതനാണെന്ന കാര്യം മറച്ചുവെച്ചാണ് ഇയാള്‍ പെണ്‍കുട്ടിയെ പ്രണയിച്ചതും പീഡിപ്പിച്ചതും. ഈരാറ്റുപേട്ട പോലീസാണ് ഇയാളെ പിടികൂടിയത്. പെണ്‍കുട്ടിയുടെ പരാതിയെ തുടര്‍ന്ന് വൈക്കം ഉദയനാപുരം പടിഞ്ഞാറേക്കര വല്ലകം സ്വദേശി ഡിബിനെ പോലീസ് അറസ്റ്റ് ചെയ്യുകയായിരുന്നു.
വിവാഹം കഴിക്കാമെന്ന് വിവാഹവാഗ്ദാനം നല്‍കി പെണ്‍കുട്ടിയെ വീട്ടില്‍നിന്നും വിളിച്ചിറക്കി കൊണ്ടുപോയ ഡിബിന്‍, മേയ് ഏഴിന് ആലപ്പുഴയിലുള്ള പെണ്‍കുട്ടിയുടെ കൂട്ടുകാരിയുടെ വീട്ടില്‍വെച്ചും, അടുത്തദിവസം പ്രതിയുടെ പാലാ മൂന്നാനിയിലുള്ള വാടകവീട്ടില്‍ വെച്ചും ബലമായി പീഡിപ്പിച്ചു. പ്രതി ഒന്‍പതുമാസം മുന്‍പ് മരങ്ങാട്ടുപിള്ളി സ്വദേശിനിയായ മറ്റൊരു പെണ്‍കുട്ടിയെ പ്രണയിച്ച് ഗുരുവായൂര്‍ അമ്പലത്തില്‍ വെച്ച് വിവാഹം കഴിച്ചിരുന്നു. ഇത് മറച്ചുവെച്ചാണ് രണ്ടാമത്തെ പെണ്‍കുട്ടിയേയും പ്രണയം നടിച്ച് പീഡിപ്പിച്ചതെന്ന് പോലീസ് പറഞ്ഞു.
Discussion about this post