കോഴിക്കോട്: കോഴിക്കോട് ജില്ലയില് കുറുക്കന്റെ കടിയേറ്റ് 11 പേര്ക്ക് പരുക്ക്. ഇന്നലെ രാത്രി ഏഴരയോടെ കൊയിലാണ്ടിക്കടുത്ത് ഊരള്ളൂരിലാണ് സംഭവം. സ്ത്രീകളും കുട്ടികളും അടക്കമുള്ളവര്ക്കാണ് കുറുക്കന്റെ കടിയേറ്റത്. ഇവര് കോഴിക്കോട് മെഡിക്കല് കോളേജ് ആശുപത്രിയില് ചികിത്സ തേടി.
ആളുകളുടെ ബഹളം കേട്ട് ഓടിയെത്തിയര്ക്കെല്ലാം കുറുക്കന്റെ കടിയേറ്റു. ഏഴ് പുരുഷന്മാരും നാല് സ്ത്രീകളുമാണ് മെഡിക്കല് കോളേജ് ആശുപത്രിയില് ചികിത്സ തേടിയത്. മിക്കവര്ക്കും ദേഹമാസകലം കടിയേറ്റിട്ടുണ്ട്.
നാട്ടുകാരെ ആക്രമിച്ച കുറുക്കനെ പിന്നീട് നാട്ടുകാര് ചേര്ന്ന് തല്ലിക്കൊന്നു. കടിയേറ്റവര്ക്ക് പേ വിഷബാധയ്ക്കെതിരായി കുത്തിവെയ്പ്പ് നല്കി.
Discussion about this post