തിരുവനന്തപുരം: ദിവസം ചെല്ലും തോറും കുട്ടികള്‍ക്കെതിരെയുള്ള അതിക്രമങ്ങല്‍ വര്‍ധിച്ച് കൊണ്ടിരിക്കുകയാണ്. ദിനംപ്രതി നിരവധി കുട്ടികളാണ് ലൈംഗികമായും അല്ലാതെയും സാക്ഷരതയില്‍ മുന്‍പന്തിയില്‍ ഉള്ള കേരളത്തില്‍ പീഡിപ്പിക്കപ്പെട്ട് കൊണ്ടിരിക്കുന്നത്. തിരുവനന്തപുരത്ത് ഒമ്പത് വയസുകാരിയെ ലൈംഗികമായി പീഡിപ്പിച്ചത് അധ്യാപകനെയാണ് പോലീസ് അറസ്റ്റ് ചെയ്തിരിക്കുന്നത്. ടെക്‌നോപാര്‍ക്കില്‍ ഗ്രാഫിക് ഡിസൈനറായ വിജയ്‌യെ ആണ് തുമ്പ പോലീസ് അറസ്റ്റ് ചെയ്തിരിക്കുന്നത്.
കഴക്കൂട്ടത്ത് കരിമണലിലുള്ള ഫ്‌ലാറ്റില്‍ വെച്ച് കഴിഞ്ഞ മാസം 27നാണ് വിജയ് കുട്ടിയെ പീഡിപ്പിച്ചത്. ഫ്‌ലാറ്റില്‍ വെച്ച് നടത്തിയ അവധിക്കാല ചിത്രരചനാ ക്ലാസിനെത്തിയതായിരുന്നു കുട്ടി. വാഹനാപകടത്തില്‍ പരുക്കേറ്റ് ചികിത്സയിലായിരുന്ന വിജയ് തന്റെ മുറിവില്‍ മരുന്ന് പുരട്ടാന്‍ സഹായിക്കണമെന്ന് പറഞ്ഞ് കുട്ടിയെ മുറിയില്‍ കൊണ്ട് പോയി പീഡിപ്പിക്കുകയായിരുന്നു.
ക്ലാസ് കഴിഞ്ഞ് വീട്ടിലെത്തിയ കുട്ടിയുടെ പെരുമാറ്റത്തില്‍ അസ്വഭാവികത തോന്നിയ അമ്മയാണ് കുട്ടിയോട് വിവരങ്ങള്‍ ചോദിച്ചറിഞ്ഞത്. തുടര്‍ന്ന് രക്ഷിതാക്കള്‍ ശിശുക്ഷേമ സമിതിയെ സമീപിക്കുകയായിരുന്നു. സമിതി നടത്തിയ കൗണ്‍സിലിംഗിലും കുട്ടി പീഡന വിവരം പറഞ്ഞതോടെ കേസ് തുമ്പ പോലീസിന് കൈമാറി. പോക്‌സോ ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്. ടെക്‌നോപാര്‍ക്കിലെ ടൂണ്‍സ് അനിമേഷന്‍ എന്ന സ്ഥാപനത്തിലെ ഗ്രാഫിക് ഡിസൈനറാണ് വിജയ്.
Discussion about this post