പാലക്കാട്: 17ാം ലോക്‌സഭയിലേക്കുള്ള വോട്ടെടുപ്പിന് തൊട്ടുപിന്നാലെ കെപിസിസിക്കെതിരെ ഗുരുതര ആരോപണങ്ങളുമായി പാലക്കാട് മണ്ഡലത്തിലെ യുഡിഎഫ് സ്ഥാനാര്‍ത്ഥി വികെ ശ്രീകണ്ഠന്‍ രംഗത്ത്. പാലക്കാട് തെരഞ്ഞെടുപ്പ് പ്രചരണത്തിന് യുഡിഎഫ് ഏറെ പിന്നിലായിരുന്നെന്നും അതിനു കാരണം, കെപിസിസി പിരിച്ച ഫണ്ടിന്റെ വിഹിതം നല്‍കാത്തത് കൊണ്ടാണെന്നും വികെ ശ്രീകണ്ഠന്‍ ആഞ്ഞടിച്ചു.
തനിക്കെതിരെ ചില കേന്ദ്രങ്ങള്‍ നടത്തിയ ഗൂഢാലോചന ജയസാധ്യതയെ ബാധിച്ചെന്നും വോട്ടെണ്ണിക്കഴിഞ്ഞാല്‍ കൂടുതല്‍ വെളിപ്പെടുത്തലുകള്‍ നടത്തുമെന്നും ശ്രീകണ്ഠന്‍ പാര്‍ട്ടി നേതൃത്വത്തിന് മുന്നറിയിപ്പ് നല്‍കി.
തനിക്കെതിരെ ചില കേന്ദ്രങ്ങള്‍ നടത്തിയ ഗൂഢാലോചന ജയസാധ്യതയെ ബാധിച്ചിട്ടുണ്ട്. ഫണ്ടിന്റെ പരിമിതിയെ തുടര്‍ന്ന് സാമ്പത്തിക പ്രതിസന്ധി താന്‍ നേരിട്ടു. ഭീതിപൂണ്ട എതിരാളികള്‍ വലിയ തോതില്‍ ഗൂഢാലോചന നടത്തി. ഇതിനെ കുറിച്ച് വോട്ടെണ്ണിക്കഴിഞ്ഞാല്‍ കൂടുതല്‍ വെളിപ്പെടുത്തലുകള്‍ ഉണ്ടാകുമെന്നും അദ്ദേഹം പറഞ്ഞു.
Discussion about this post