തിരുവനന്തപുരം: മാധ്യമങ്ങളുടെ ചോദ്യത്തിന് മുഖ്യമന്ത്രി സിനിമാ സ്റ്റൈലില് ഉത്തരം നല്‍കിയതാണ് ഇപ്പോള്‍ മാധ്യമങ്ങള്‍ ചര്‍ച്ച ചെയ്യുന്നത്. 10 സീറ്റ് കിട്ടുമോ എന്ന മാധ്യമങ്ങളുടെ ചോദ്യത്തിന് 10 അല്ല അതുക്കും മേലെ എന്ന് ഉത്തരം പറഞ്ഞു മുഖ്യമന്ത്രി.
ജാതി മതവ്യത്യാസമില്ലാതെ എല്ലാവരും ഒരു പോലെ കഴിയുന്ന നമ്മുടെ നാട്ടില്‍ എല്‍ഡിഎഫിന് വിജയം കിട്ടുമെന്ന് മുഖ്യമന്ത്രി കൂട്ടിച്ചേര്‍ത്തു. മതനിരപേക്ഷ സര്‍ക്കാര്‍ നിലവില്‍ വരേണ്ടത് ആവശ്യമാണെന്ന് ജനങ്ങള്‍ക്ക് അറിയാമെന്നും അദ്ദേഹം പറഞ്ഞു. ബിജെപി പ്രലോഭിപ്പിച്ചാല്‍ കൂടെപോകാത്തവരെ വേണം ജയിപ്പിക്കാന്‍ എന്ന് മുഖ്യമന്ത്രി ആഹ്വാനം ചെയ്തു. എന്തൊക്കെ കോപ്രായങ്ങള്‍ കാണിച്ചാലും ബിജെപി ജയിക്കില്ല എന്നും നിലവില്‍ കേരളാ സര്‍ക്കാരിന് ഒപ്പമാണ് ജനങ്ങള്‍ എന്നും അദ്ദേഹം പറഞ്ഞു.