തൃശ്ശൂര്: ലോക്സഭാ തെരഞ്ഞെടുപ്പ് പ്രചാരണത്തിന്റെ ഭാഗമായി സ്ത്രീകളെ അടച്ചാക്ഷേപിച്ച കണ്ണൂര് ലോക്സഭാ മണ്ഡലത്തിലെ യുഡിഎഫ് സ്ഥാനാര്ത്ഥി കെ സുധാകരനെ കണക്കിന് ട്രോളി എംപിയും തൃശ്ശൂര് ലോക്സഭാ മണ്ഡലത്തിലെ സ്ഥാനാര്ത്ഥിയുമായ ഇന്നസെന്റ്. ഇന്ന് കേരളത്തില് ചര്ച്ചാവിഷയമായ പതിനഞ്ച് ദിവസം മാത്രം പ്രായമുള്ള പിഞ്ചു കുഞ്ഞിന്റെ ജീവന് രക്ഷിക്കാനായി ആരോഗ്യമന്ത്രി കെകെ ശൈലജ ടീച്ചര് കൈകൊണ്ട സുപ്രധാന തീരുമാനത്തെ മുന് നിര്ത്തിയായിരുന്നു സുധാകരന്റെ സ്ത്രീ വിരുദ്ധ വീഡിയോയ്ക്കെതിരെ ഇന്നസെന്റ് തുറന്നടിച്ചത്.
കടുത്ത സ്ത്രീവിരുദ്ധ സന്ദേശമുള്ള സുധാകരന്റെ തെരഞ്ഞെടുപ്പ് പരസ്യത്തിനെതിരെ സമൂഹത്തില് ജനരോക്ഷം ശക്തമാകുന്ന സാഹചര്യത്തിലാണ് ആരോഗ്യമന്ത്രിയുടെ ഇടപെടലിനെ പ്രശംസിച്ചും സുധാകരനെ ട്രോളിയും ഇന്നസെന്റ് രംഗത്തെത്തിയത്. ഓളെ പോലെ ഒരുപാട്പേര് ടീച്ചറും മന്ത്രിയുമാകട്ടെ എന്നും കുഞ്ഞുവാവ വേഗം സുഖം പ്രാപിക്കട്ടെയെന്നുമാണ് ഇന്നസെന്റ് ഫേസ്ബുക്കില് കുറിച്ചത്.
സ്ത്രീകളെ പറഞ്ഞയച്ചാല് ഒരു കാര്യവും നടക്കില്ലെന്നും ആണുങ്ങള് പോയാലെ കാര്യം നടക്കു, സ്ത്രീകളെ പഠിപ്പിക്കുന്നതിലൊന്നും ഒരു കാര്യവും ഇല്ല എന്നു തുടങ്ങി സ്തീവിരുദ്ധത നിറഞ്ഞുതുളുമ്പുന്ന പരസ്യത്തിനെതിരെ പുരുഷന്മാരില് നിന്നും സ്ത്രീകളില് നിന്നും ഒരുപോലെ പ്രതിഷേധം ഉയരുമ്പോള് ഇന്ന് കേരള ജനത ഒറ്റക്കെട്ടോടെ പ്രാര്ത്ഥിച്ച കുരുന്നിന്റെ ജീവനുവേണ്ടി ആരോഗ്യമന്ത്രി കൈകൊണ്ട നടപടിയില് ജനങ്ങള് നിറഞ്ഞ മനസോടെയാണ് പ്രതികരിക്കുന്നത്.
Discussion about this post