കൊച്ചി: പെരുമ്പാവൂരില്‍ അനാശാസ്യത്തിന് ഏഴുപേര്‍ അറസ്റ്റില്‍. മൂന്ന് സ്ത്രീകളടക്കം ഏഴുപേരാണ് കഴിഞ്ഞ ദിവസം പെരുമ്പാവൂര്‍ സിഐ കെ സുമേഷ്, എസ്ഐ ലൈസാദ് മുഹമ്മദ്, അസിസ്റ്റന്റ് സബ് ഇന്‍സ്പെക്ടര്‍ രാജേന്ദ്രന്‍, സീനിയര്‍ സിപിഒ രാജീവ്, സിപിഒ ഷര്‍ണാസ്, വനിത സിപിഒ ധന്യ മുരളി എന്നിവര്‍ ചേര്‍ന്ന് നടത്തിയ റെയിഡില്‍ പിടിയിലായത്.
ശ്യാംകുമാര്‍ (41), ജെയ്സണ്‍ (49), അനില്‍കുമാര്‍ (24), രജീഷ് (29),എല്‍ദൊ മത്തായി (29) പ്രിയ (39), റഷീദ (52), സ്മിഷ (24) എന്നിവരാണ് അറസ്റ്റിലായത്. പച്ചക്കറി മാര്‍ക്കറ്റിനു സമീപം ചിന്താമണി റോഡില്‍ ഒരുമാസം മുമ്പ് വീട് വാടകയ്‌ക്കെടുത്തു. അയല്‍ക്കാരോട് പോലും പറഞ്ഞിരുന്നത് ടൈല്‍ ബിസിനസാണെന്നാണ്.
അതേസമയം ഇടയ്ക്കിടെ ചെറുപ്പക്കാര്‍ വീട്ടില്‍ വന്നുപോകുന്നത് കണ്ട അയല്‍വാസികള്‍ക്ക് സംശയം തോന്നി. പോലീസ് സ്ഥലത്തെത്തി റെയിഡ് നടത്തിയതോടെയാണ് ഇവര്‍ പിടിയിലായത്. പ്രതികളെ കോടതിയില്‍ ഹാജരാക്കി.