തിരുവനന്തപുരം: തെരഞ്ഞെടുപ്പ് അടുത്തതോടെ എല്ലാ സ്ഥാനാര്‍ത്ഥികളും പ്രചാരണം കൊഴുപ്പിക്കുകയാണ്. പ്രചാരണത്തിനിടെ സ്ഥാനാര്‍ത്ഥികള്‍ പരസ്പരം ആശംസകള്‍ അര്‍പ്പിച്ച് ഷാള്‍ കൈമാറിയ വാര്‍ത്തകളാണ് ഇപ്പോള്‍ വൈറലാകുന്നത്. തിരുവനന്തപുരത്തെ സ്ഥാനാര്‍ത്ഥികളായ ശശി തരൂരും സി ദിവാകരനുമാണ് പരസ്പരം ആശംസകള്‍ അര്‍പ്പിച്ചത്.
തിരുവനന്തപുരത്തെ നിയമസഭാ മണ്ഡലമായ കഴക്കൂട്ടത്ത് വെച്ചാണ് ഇരുവരുടെയും പ്രചാരണ സംഘങ്ങള്‍ തമ്മില്‍ കണ്ടുമുട്ടിയത്. ആശംസകള്‍ അറിയിച്ച ശേഷം താനണിഞ്ഞിരിക്കുന്ന ഇന്ത്യന്‍ നാഷണല്‍ കോണ്‍ഗ്രസിന്റ ഷാള്‍ ദിവാകരന് കൈമാറാനും ശശി തരൂര്‍ ശ്രമിച്ചു.
Crossed paths with CPI/LDF candidate C. Divakaran, whose paryadanam is also in Kazhakoottam today. We wished each other luck. Handed him an @INCIndia shawl in the hope that he will see the light, but as the photo suggests, that may be a bit of a ‘stretch’! pic.twitter.com/vIVTladRIO
— Shashi Tharoor (@ShashiTharoor) April 10, 2019
‘കഴക്കൂട്ടത്ത് വെച്ച് പ്രചാരണം നടത്തുന്നതിനിടെ സിപിഐ, എല്‍ഡിഎഫ് സ്ഥാനാര്‍ത്ഥി സി ദിവാകരനെ കണ്ടുമുട്ടി. നമ്മള്‍ പരസ്പരം ആശംസകള്‍ അറിയിച്ചു. അദ്ദേഹത്തിന് ഞാന്‍ ഇന്ത്യന്‍ നാഷണല്‍ കോണ്‍ഗ്രസിന്റെ ഒരു ഷാള്‍ കൈമാറുകയും ചെയ്തു. അദ്ദേഹം വെളിച്ചത്തിലേക്ക് വരുമെന്നു ഞാന്‍ പ്രതീക്ഷിക്കുന്നു. എന്നാല്‍ ചിത്രത്തില്‍ കാണുന്നത് പോലെ അതത്ര എളുപ്പമല്ല എന്നും ഞാന്‍ മനസിലാക്കുന്നു.’ ശശി തരൂര്‍ തന്റെ ട്വീറ്റില്‍ പറയുന്നു.
Discussion about this post