മലപ്പുറം: മലപ്പുറം എടപ്പാളില്‍ നാടോടി പെണ്‍കുട്ടിയെ മര്‍ദ്ദിച്ച സംഭവത്തില്‍ പ്രതി പിടിയില്‍. എടപ്പാള്‍ സ്വദേശി രാഘവനെയാണ് അറസ്റ്റ് ചെയ്തത്. വട്ടക്കുളം മുന്‍ പഞ്ചായത്ത് പ്രസിഡന്റൊണ് രാഘവന്‍. ഇന്ന് രാവിനെ പത്ത് മണിക്ക് ആക്രി സാധനങ്ങള്‍ പെറുക്കുന്നതിനിടെ നാടോടി പെണ്‍കുട്ടിക്ക് മര്‍ദ്ദനമേറ്റത്. കുട്ടി ആശുപത്രിയില്‍ ചികിത്സയിലാണ്. മര്‍ദ്ദനത്തില്‍ കുട്ടിക്ക് സാരമായ പരിക്കേറ്റിട്ടുണ്ട്. കുട്ടിക്ക് നെറ്റിയില്‍ ആഴത്തിലുള്ള മുറിവുണ്ടെങ്കിലും ഗുരുതരമല്ലെന്നാണ് ആശുപത്രി അധികൃതര്‍ വ്യക്തമാക്കിയത്. ഭാരമുള്ള വസ്തു കൊണ്ടാണ് കുട്ടിയെ ആക്രമിച്ചത്. സംഭവത്തില്‍ പ്രതിക്ക് ജാമ്യമില്ല വകുപ്പ് പ്രകാരമാണ് കേസെടിത്തിട്ടുള്ളത്.
എടപ്പാളില്‍ പ്രായപൂര്‍ത്തിയാകാത്ത നാടോടി പെണ്‍കുട്ടിക്ക് ക്രൂരമര്‍ദ്ദനം; പ്രതി അറസ്റ്റില്‍
ആക്രി സാധനങ്ങള്‍ പെറുക്കുന്നതിനിടെ നാടോടി പെണ്‍കുട്ടിക്ക് മര്‍ദ്ദനമേറ്റത്
