ആലപ്പുഴ: വാര്‍ഡില്‍ കൂട്ടിരുന്ന ഭര്‍ത്താവിനെ പുറത്താക്കി തുടര്‍ന്ന് കൂട്ടിരുപ്പുകാരില്ലാതിരുന്ന സമയത്ത് കട്ടിലില്‍ നിന്ന് നിലത്തു വീണ സ്ത്രീയുടെ ഇടതു കൈ ഒടിഞ്ഞു. മെഡിക്കല്‍ കോളജ് ആശുപത്രിയിലെ
ചികില്‍സ വാര്‍ഡില്‍ കഴിയുന്ന ലേഖയാണ് (48) നിലത്ത് വീണത്.
ഇന്നലെ പുലര്‍ച്ചെയായിരുന്നു സംഭവം. ഇവരുടെ കൂടെ ഭര്‍ത്താവ് ബാലകൃഷ്ണന്‍ (53) ആണ് കൂട്ടിരുന്നത്. എന്നാല്‍ ഇദ്ദേഹത്തെ ആശുപത്രിയിലെ സെക്യൂരിറ്റി ജീവനക്കാര്‍ വാര്‍ഡില്‍ നിന്ന് പുറത്തിറക്കി നിമിഷങ്ങള്‍ക്കുള്ളിലാണ് ഭാര്യ നിലത്തു വീണത്.
ഭാര്യ വീണ് കിടക്കുന്നത് കണ്ട് അസ്വസ്ഥനായ ഭര്‍ത്താവ് ഉടന്‍ തന്നെ ബോധം കെട്ട് വീണു. ഇദ്ദേഹം ഇപ്പോള്‍ ചികിത്സയിലാണ്. ‘ഞാനല്ലാതെ കൂടെ നില്‍ക്കാന്‍ മറ്റാരുമില്ലാതിരുന്നതിനാലാണ് വാര്‍ഡില്‍ നിന്നത്. ഇത് അവരെ ബോധ്യപ്പെടുത്താന്‍ ശ്രമിച്ചെങ്കിലും മുഖവിലയ്ക്കെടുത്തില്ലെന്ന് ബാലകൃഷ്ണന്‍ പറഞ്ഞു. ലേഖയെ
സ്‌കാനിങിനും വിധേയയാക്കി’.
തുടര്‍ന്ന് കൈയില്‍ പ്ലാസ്റ്ററിട്ടു. അതേസമയം സ്ത്രീകളുടെ വാര്‍ഡില്‍ രാത്രി പുരുഷന്‍മാരെ നിര്‍ത്തരുതെന്ന ആശുപത്രി അധികൃതരുടെ നിര്‍ദേശമാണ് താന്‍ ചെയ്തതെന്ന് സെക്യൂരിറ്റി ചീഫ് ആയ വിജയകുമാര്‍ വ്യക്തമാക്കി.
Discussion about this post