തിരുവനന്തപുരം: സംസ്ഥാനത്ത് രണ്ട് സ്ഥലങ്ങളില്‍ നടന്ന വാഹനാപകടങ്ങളില്‍ അഞ്ച് മരണം. വയനാട്ടിലെ വൈത്തിരിയിലും ഇടുക്കിയിലെ കട്ടപ്പനയിലുമാണ് അപകടങ്ങള്‍ ഉണ്ടായത്. വൈത്തിരിയില്‍ ടിപ്പര്‍ ലോറിയും കാറും തമ്മില്‍ കൂട്ടിയിടിച്ചാണ് അപകടമുണ്ടായത്.
തളിപ്പുഴയ്ക്കും പഴയ വൈത്തിരിയ്ക്കും ഇടയിലുണ്ടായ അപകടത്തില്‍ 3 പേര്‍ മരിച്ചു. മരിച്ചത് തിരൂര്‍ സ്വദേശികളാണെന്നാണ് സൂചന. കോഴിക്കോട്ടേക്ക് പോവുകയായിരുന്ന കാറും വയനാട്ടിലേക്ക് പോവുകയായിരുന്ന ടിപ്പറും തമ്മിലാണ് കൂട്ടി ഇടിച്ചത്. ഒരാളെ ഗുരുതരമായ പരിക്കുകളോടെ ആശുപത്രിയില്‍ പ്രവേശിപ്പിച്ചു.
കട്ടപ്പനക്കടുത്ത വെള്ളയകുടിയില്‍ ബസും ഓട്ടോയും കൂട്ടിയിടിച്ച് രണ്ട് പേര്‍ മരിച്ചു. രണ്ട് പേര്‍ക്ക് പരിക്കേറ്റു. ഇവര്‍ സ്വകാര്യ ആശുപത്രിയില്‍ ചികിത്സയിലാണ്.
Discussion about this post