ഇടുക്കി: സംസ്ഥാനത്ത് വീണ്ടും കഞ്ചാവ് വേട്ട. രാജാക്കാട് വെച്ച് തമിഴ്‌നാട്ടില്‍ നിന്നും ഓട്ടോറിക്ഷയില്‍ കടത്തി കൊണ്ടു വന്ന പത്ത് കിലോ കഞ്ചാവ് പോലീസ് പിടിച്ചെടുത്തു. സംഭവത്തില്‍ തൊടുപുഴ തൊമ്മന്‍ കുത്ത് സ്വദേശി വാക്കളത്തില്‍ ലിബിന്‍ പോലീസ് പിടിയിലായി. കഞ്ചാവ് കടത്താന്‍ വേണ്ടി ഉപയോഗിച്ച ഒട്ടോറിക്ഷയും പോലീസ് പിടിച്ചെടുത്തു.
ഇടുക്കി എസ്പിയുടെ നിര്‍ദേശ പ്രകാരം രാജാക്കാട് പോലീസ് നടത്തിയ വാഹന പരിശോധനയിലാണ് പ്രതി പിടിയിലായത്. പിടിയിലായ ലിബിന്‍ തമിഴ്‌നാട്ടില്‍ നിന്നും കഞ്ചാവെത്തിച്ച് കേരളത്തിലെ മറ്റ് ജില്ലകളില്‍ എത്തിച്ച് വില്‍പ്പന നടത്തുന്ന സംഘത്തിലെ പ്രധാന കണ്ണിയാണെന്ന് പോലീസ് പറഞ്ഞു.
Discussion about this post