കോട്ടയം: ആനയെ കുളിപ്പിക്കുന്നതിനിടെ അടിതെറ്റി ആനക്കടിയിലേക്ക് വീണ പാപ്പാന് ദാരുണാന്ത്യം. ചെന്നിത്തല സ്വദേശി അരുണ്‍ പണിക്കരാണ് മരിച്ചത്. ഇന്ന് രാവിലെയാണ് സംഭവം. ഭാരത് വിശ്വനാഥന്‍ എന്ന ആനയെ കുളിപ്പിക്കുന്നതിനിടെയാണ് സംഭവം.
ആനയോട് ‘കിടക്ക് ആനേ’ എന്ന് പാപ്പാന് ആവശ്യപ്പെട്ടു. ആന പാപ്പാന് നില്‍ക്കുന്ന വശത്തേക്ക് കിടന്നു. മറ്റേ വശത്തേക്ക് കിടക്കാന്‍ ആനയോട് ആവശ്യപ്പെടുന്നതിനിടെ പാപ്പാന് തെന്നി ആനക്കടിയിലേക്ക് വീഴുകയായിരുന്നു. അടുത്തുണ്ടായിരുന്ന മറ്റ് പാപ്പാന്‍മാര്‍ എത്തി ആനയെ എണീപ്പിച്ച ശേഷം ആരുണിനെ ആശുപത്രിയിലെത്തിച്ചെങ്കിലും മരണം സംഭവിച്ചു.
Discussion about this post