തിരുവനന്തപുരം: ശബരിമല സുരക്ഷ ചുമതലയില്‍ നിന്നും ഐജിമാരായ ശ്രീജിത്തിനെയും മനോജ് എബ്രാഹമിനെയും മാറ്റി. നവംബര്‍ അഞ്ചിന് ചിത്തിര ആട്ട വിശേഷത്തിനായി നട തുറക്കുന്നതിന് മുന്നോടിയായാണ് ഈ മാറ്റം. ഇവര്‍ക്ക് പകരം സന്നിധാനത്ത് ഐജി പിവിജയനും പമ്പയില്‍ എറണാകുളം റൂറല്‍ കമ്മിഷണര്‍ രാഹുല്‍ ആര്‍ നായരും ചുമതല വഹിക്കും.
അതേസമയം മരക്കൂട്ടത്ത് ഐപിഎസ് ഓഫീസറെ നിയോഗിച്ചിട്ടുണ്ട്. നിലയ്ക്കല്‍ മുതല്‍ പമ്പ വരെയുള്ള സുരക്ഷ തൃശ്ശൂര്‍ റെയ്ഞ്ച് ഐജിക്കാണ് നല്‍കിയിരിക്കുന്നത്. തുലാമാസപൂജയ്ക്ക് നട തുറന്നപ്പോള്‍ സുരക്ഷാചുമതലയുണ്ടായിരുന്ന ക്രൈംബ്രാഞ്ച് ഐജി എസ്ശ്രീജിത്തിന് സ്‌പെഷല്‍ ഡ്യൂട്ടി നല്‍കിയിട്ടില്ല. പോലീസ് നടപടികളില്‍ എതിര്‍പ്പ് വാങ്ങിയ തിരുവനന്തപുരം റെയ്ഞ്ച് ഐജി മനോജ് ഏബ്രഹാമിനും പ്രത്യേക ചുമതലയില്ല. നാലാം തീയതി മുതല്‍ ശബരിമലയും പരിസരവും പോലീസ് നിയന്ത്രണത്തിലാക്കാനാണ് തീരുമാനിച്ചിരിക്കുന്നത്.
Discussion about this post