കുന്നംകുളം: കഴിഞ്ഞ ദിവസം കുന്നംകുളം അടുപ്പൂട്ടിയില്‍ ആന തിരിഞ്ഞത് നാട്ടുകാര്‍ക്കിടയില്‍ പരിഭ്രാന്തിയാക്കി.
അടുപ്പൂട്ടി സ്വദേശിയായ യുവാവ് എഴുന്നള്ളിപ്പില്‍ പങ്കെടുക്കുകയായിരുന്ന ആനയുടെ പാപ്പാനെ ആക്രമിക്കുകയായിരുന്നു. തുടര്‍ന്ന് ഇതു കണ്ടു നിന്ന ആനയ്ക്ക് സഹിച്ചില്ല. ആന പൂരത്തിനിടെ തിരിഞ്ഞു. തുടര്‍ന്ന് പൂരം കാണാന്‍ എത്തിയ ജനം ഭയന്നോടി. നിലത്തു വീണു പരിക്കേറ്റ ചിലര്‍ താലൂക്ക് ആശുപത്രിയില്‍ ചികില്‍സ തേടി. കാണിപ്പയ്യൂര്‍ അന്നംകുളങ്ങര ഭഗവതി ക്ഷേത്രത്തില്‍ പുലര്‍ച്ചെയാണ് സംഭവം അരങ്ങേറിയത്.
ത്രിവേണി ആഘോഷ കമ്മിറ്റിയുടെ കൊമ്പന്‍ പരമേശ്വരന്റെ പാപ്പാനാണ് അടിയേറ്റത്. ഇയാള്‍ ആനയുടെ കാലിലേക്കു വീണതോടെ ആന തിരിഞ്ഞു. പൂരം കാണാനെത്തിയവര്‍ നാലുപാടും ഓടുന്നതിനിടെയാണു പരിക്കേറ്റത്. പാപ്പാനെ ആക്രമിച്ച യുവാവ് പിന്നീട് കെട്ടിടത്തിന്റെ മുകളില്‍നിന്ന് വീണിരുന്നു. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്.