കോട്ടയ്ക്കല്‍: മൊബൈല്‍ ഫോണ്‍ വഴിയുള്ള പരിചയം മുതലെടുത്ത് പ്രായപൂര്‍ത്തിയാകാത്ത പെണ്‍കുട്ടിയെ ബലാത്സംഗത്തിനിരയാക്കിയ ലോറി ഡ്രൈവര്‍ പിടിയില്‍. മലപ്പുറം വേങ്ങര സ്വദേശി മംഗലത്ത് ഷൈജുവാണ് അറസ്റ്റിലായിരിക്കുന്നത്. അധ്യാപകര്‍ നടത്തിയ കൗണ്‍സിലിംഗിലാണ് പ്ലസ്‌വണ്‍ വിദ്യാര്‍ത്ഥിനി സംഭവം തുറന്ന് പറയുന്നത്.
2018 ഡിസംബറില്‍ ഫോണ്‍ വഴി പരിചയപ്പെട്ട പെണ്‍കുട്ടിയെ കോട്ടക്കലിലേക്ക് വിളിച്ചുവരുത്തുകയും തുടര്‍ന്ന് പെരിന്തല്‍മണ്ണയിലേക്ക് കൂട്ടിക്കൊണ്ടുപോവുകയും ബലാത്സംഗത്തിന് ഇരയാക്കുകയുമായിരുന്നു. ഇയാളെ 14 ദിവസത്തേക്ക് റിമാന്റ് ചെയ്തു.