ജനം ടിവിയെ തിരുവനന്തപുരം വലിയവീട് പൗരസമിതി പുരസ്‌കാരം നല്‍കി ആദരിച്ചു. ജനം ടിവി കോര്‍ഡിനേറ്റിംഗ് എഡിറ്റര്‍ അനില്‍ നമ്പ്യാരാണ് പുരസ്‌കാരം ഏറ്റുവാങ്ങിയത്. വലിയ വീട് ദേവീ ക്ഷേത്രം ട്രസ്റ്റിന്റെ ആഭിമുഖ്യത്തില്‍ നടന്ന ചടങ്ങിലാണ് പുരസ്‌കാര സമര്‍പ്പണം.
പ്രഥമ തെക്കടത്തമ്മ പുരസ്‌കാരം ജനം ടിവിക്കും റിപ്പോര്‍ട്ടര്‍ സി ജി ഉമേഷിനും ലഭിച്ചത് സമൂഹമാധ്യമങ്ങളില്‍ വലിയ വാര്‍ത്തയായിരുന്നു. കൊല്ലം തെക്കടം ക്ഷേത്രത്തില്‍ നടന്ന ചടങ്ങില്‍, മാതാ അമൃതാന്ദമയി മഠം സന്യാസി സ്വാമി വേദാമൃത ചൈതന്യയില്‍ നിന്ന് ജനം ടിവി പത്തനംതിട്ട ബ്യൂറോ ചീഫ് സി ജി ഉമേഷ് പുരസ്‌ക്കാരം ഏറ്റു വാങ്ങിയിരുന്നു.
അതിനു പിന്നാലെയാണ് വലിയവീട് പൗരസമിതി പുരസ്‌കാരം ജനം ടിവിയെ തേടിയെത്തിയത്. പാര്‍ശ്വവല്‍കൃത സമൂഹത്തിന്റെ ശബ്ദമായി ജനം ടിവി മാറിയെന്ന് പുരസ്‌കാര വേളയില്‍ വേദാമൃത ചൈതന്യ പറഞ്ഞിരുന്നു.
Discussion about this post