കൊച്ചി: ഗാനമേള എന്നും ഒരു ഹരമാണ്. അത് കോളേജിലായാലും പള്ളിപെരുന്നാളിന് ആയാലും ക്ഷേത്രത്തിലായാലും ആവേശത്തിന് കുറവൊന്നും ഉണ്ടാകില്ല. അടിച്ച് പൊളി പാട്ടാണ് എപ്പോഴും ആഗ്രഹിക്കുക. ഗാനമേള ട്രൂപ്പുകളുടെ കൈയ്യിലും അടിച്ചുപൊളി മാത്രമെ ഉണ്ടാകു എന്നത് മറ്റൊരു പരമാര്‍ത്ഥം. ഇപ്പോള്‍ അത്തരത്തില്‍ ഹരം കൊള്ളിക്കുന്ന ഒരു ഗാനമാണ് വൈറലാകുന്നത്.
ഗാനമേളയിലെ ഗാനം നമുക്കെല്ലാം സുപരിചിതമായ മുക്കാല.. മുക്കാബുല ലൈലാ.. ഓ ലൈലാ… ആണ്. കേള്‍ക്കുമ്പോള്‍ തന്നെ ഹരം കൊള്ളിക്കുന്ന പാട്ടാണെന്ന് എടുത്ത് പറയേണ്ടതില്ലല്ലോ… ഹരം കൊള്ളിക്കുന്ന പാട്ടിനൊപ്പം ത്രില്ലടിപ്പിക്കുന്ന നൃത്തച്ചുവടുകളുമായാലോ… സംഭവം കളറായി എന്നു പിന്നെ പ്രത്യേകം പറയേണ്ടതില്ല.
സൂപ്പര്‍ ഹിറ്റാക്കി കളഞ്ഞു ആ ഗാനവും ഡാന്‍സും. സംഭവം ഇപ്പോള്‍ സമൂഹമാധ്യമങ്ങളില്‍ നിറയുകയാണ്. അനങ്ങിയാല്‍ ശ്രുതി തെറ്റുന്നവരുടെ ഗായകരുടെ കാലത്ത് ഈ ഗായകന്റെ പ്രകടനം വേറിട്ടു നില്‍ക്കുന്നുവെന്നാണ് ഒട്ടുമിക്ക കമന്റുകളും. ഇവരെ അഭിനന്ദനങ്ങള്‍ കൊണ്ട് മൂടുകയാണ് ഇപ്പോള്‍ സോഷ്യല്‍മീഡിയ. സംഭവം വൈറലായി കഴിഞ്ഞു.
Discussion about this post