കൊല്ലം: അങ്കണവാടിയിലെ കുഞ്ഞുകുട്ടികള്‍ക്ക് ഇനി കാര്‍ട്ടൂണ്‍ ബിഗ്‌സ്‌ക്രീനില്‍ കാണാം. പുതുപുത്തന്‍ കസേര, ശീതികരിച്ച മുറി, കാര്‍ട്ടൂണും മറ്റും കാണാന്‍ പ്രൊജക്ടര്‍ തുടങ്ങി അനവധി സൗകര്യങ്ങളില്‍ തിളങ്ങി നില്‍ക്കുകയാണ് ഇപ്പോള്‍ കൊല്ലത്തെ അങ്കണവാടി.
കൊല്ലം ഓച്ചിറയിലെ പുതിയ അങ്കണവാടിയാണ് എല്ലാത്തരത്തിലും ഹൈടെക് ആയത്. തീര്‍ന്നില്ല. ചുവരിലും ചുറ്റുമതിലിലുമൊക്കെ വര്‍ണ ചിത്രങ്ങള്‍, കുഞ്ഞ് പൂന്തോട്ടം, ചെറിയ പച്ചക്കറിത്തോട്ടവും. ഓച്ചിറ ബ്ലോക്ക് പഞ്ചായത്തിന് കീഴിലുള്ള ചങ്ങന്‍കുളങ്ങരയിലാണ് ഈ ഹൈടെക് അങ്കണവാടി. ഇതേ മാതൃകയില്‍ലുള്ള രണ്ടു അങ്കണവാടികള്‍ കൂടി ഓച്ചിറ ബ്ലോക് പഞ്ചായത്തിന്റെ പരിധിയില്‍ ഈ വര്‍ഷം ആരംഭിക്കും.
Discussion about this post