കൊച്ചി: ഒരു പ്രതിസന്ധിക്കും തോല്‍പ്പിക്കാനാകില്ല ഈ പ്രണയത്തെ എന്നും ശ്രുതിയും ഷാനും തെളിയിച്ചതാണ്. അര്‍ബുദമെന്ന മഹാമാരിയോട് പോരാടുന്ന ശ്രുതിക്ക് കൂട്ടായി ഷാനും തലമുണ്ഡനം ചെയ്തത് സോഷ്യല്‍മീഡിയയുടെ കണ്ണ് നിറച്ചിരുന്നു.
അര്‍ബുദത്തെ തോല്‍പ്പിച്ച് ഷാനും ശ്രുതിയും ജീവിതയാത്ര തുടരുകയാണ്. എന്തിനെയും ചിരിച്ചുകൊണ്ട് നേരിടുന്ന ശ്രുതി കാന്‍സറിനെയും ചിരിച്ചുകൊണ്ടാണ് നേരിട്ടത്. കോളേജ് കാലത്ത് തുടങ്ങിയ ഷാനിന്റെയും ശ്രുതിയുടെയും പ്രണയത്തിനോടാണ് കാന്‍സര്‍ തോറ്റ് പിന്മാറിയത്. ഇതിനിടെ കടന്നെത്തിയ പിറന്നാള്‍ ദിവസം തന്റെ പ്രിയതമക്ക് ആശംസകള്‍ നേരുകയാണ് ഷാന്‍.
‘ന്റെ ചെമ്പു ന്റെ #പിറന്നാൾ. . .
ഒന്നാം പിറന്നാൾ എന്ന് പറയാനാണ് എനിക്കിഷ്ടം . . ജീവിതത്തിലേക്ക് കടന്നുവന്ന കാൻസർ വില്ലനെ ചിരിച്ച് കൊണ്ട് നേരിട്ട് അതിനെ കീഴടക്കി പൂർവാധികം ശക്തിയോടെ പുനർജനിച്ചു . .
ഒരായിരം ജന്മങ്ങൾ വാഗ്ദാനം നൽകുന്നില്ല . . ഒരായിരം വർഷങ്ങൾ പറയുന്നില്ല . .കൂടെയുള്ള നിന്നെ അറിയാനും നിന്നെ ചേർന്ന് നിക്കാനും സ്നേഹിക്കാനും കാണാനും കഴിയുന്നിടത്തോളം പൊന്ന് പോലെ നോക്കും.’-ഷാന്‍ പറയുന്നു.
പന്ത്രണ്ടാം കീമോയും കഴിഞ്ഞ് കാന്‍സറിനെ പോരാട്ടത്തിനൊടുവില്‍ പരാജയപ്പെടുത്തിയ ഇരുവര്‍ക്കും ആശംസകള്‍ നേര്‍ന്ന് സുഹൃത്തുക്കള്‍ സോഷ്യല്‍ മീഡിയയില്‍ കുറിപ്പുകള്‍ പോസ്റ്റ് ചെയ്തിരുന്നു.
Discussion about this post