കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് പേപ്പറില്‍ നോക്കാതെ പ്രസംഗിക്കാന്‍ അറിയില്ലെന്ന് പരിഹസിച്ച പ്രധാനമന്ത്രി നരേന്ദ്ര മോഡിയുടെ പ്രോംപ്റ്റര്‍ നോക്കിയുള്ള പ്രസംഗം ആഘോഷമാക്കി ട്രോളന്മാര്‍.
ഇന്നലെ കേരളത്തില്‍ എത്തിയ മോഡി കൊല്ലത്ത് നടന്ന ബൈപാസ് ഉദ്ഘാടനത്തിനും എന്‍ഡിഎ യോഗത്തിലും പ്രസംഗിച്ചത് പ്രോംപ്റ്ററിന്റെ സഹായത്തോടെയാണ്. കാലങ്ങളായി പ്രോംപ്റ്ററിന്റെ സഹായത്തോടെ മോഡി പ്രസംഗിക്കുന്നത്.
പ്രധാനപ്പെട്ട ആശയങ്ങള്‍ എഴുതി കൊണ്ട് വന്ന് അത് നോക്കി പ്രസംഗിക്കുന്ന രാഹുല്‍ ഗാന്ധിയുടെ ശൈലിയിലാണ് പണ്ട് പ്രധാനമന്ത്രി വിമര്‍ശിച്ചത്.
ഇന്നലെ ചിലര്‍ മുഖ്യമന്ത്രിയുടെ പ്രസംഗത്തിനിടെ പ്രതിഷേധ സൂചകമായി ശരണം വിളിച്ചിരുന്നു. ഇത് മുഖ്യമന്ത്രി താക്കീത് ചെയ്തു. എന്തും കാണിക്കാനുള്ള വേദിയാണു യോഗമെന്നു കരുതരുതെന്ന് പ്രതിഷേധക്കാരോട് മുഖ്യമന്ത്രി പറഞ്ഞതോടെ സദസ് നിശബ്ദമായി. ഇതും ട്രോളന്മാര്‍ ഏറ്റെടുത്തിട്ടുണ്ട്.
Discussion about this post