തൃശൂര്: ബിജെപി സംസ്ഥാന വൈസ് പ്രസിഡന്റ് ശോഭ സുരേന്ദ്രന്റെ വീടിന് മുന്നില് സ്ഫോടനം. കഴിഞ്ഞ ദിവസം രാത്രിയോടെയാണ് സ്ഫോടക വസ്തു പൊട്ടിത്തെറിച്ചത്.
തൃശൂര് അയ്യന്തോളിലെ ശോഭ സുരേന്ദ്രന്റെ വീടിന് മുന്നിലാണ് സ്ഫോടനമുണ്ടായത്. ബൈക്കില് എത്തിയ നാലു പേരാണ് സ്ഫോടക വസ്തു എറിഞ്ഞതെന്നാണ് വിവരം.
സംഭവസമയത്ത് ശോഭ വീട്ടില് ഉണ്ടായിരുന്നു. വീടിന് മുമ്പിലെ റോഡില് പൊട്ടിത്തെറി ശബ്ദം കേട്ടതായി ശോഭ സുരേന്ദ്രന് പറഞ്ഞു. സമഗ്ര അന്വേഷണം വേണമെന്ന് ബിജെപി സിറ്റി പ്രസിഡന്റ് ജസ്റ്റിന് ജേക്കബ് ആവശ്യപ്പെട്ടു.
Discussion about this post