കോട്ടയം: ജോലിസമ്മര്‍ദ്ദം താങ്ങാനാവാതെ യുവാവ് ഫ്‌ളാറ്റില്‍ നിന്നും ചാടി ജീവനൊടുക്കി. കോട്ടയത്ത് ആണ് സംഭവം. കഞ്ഞിക്കുഴിയില്‍ താമസിക്കുന്ന ജേക്കബ് തോമസ് ആണ് ജീവനൊടുക്കിയത്.
23 വയസ്സായിരുന്നു. ഞായറാഴ്ച പുലര്‍ച്ചെ അഞ്ചരയോടെയാണ് സംഭവം. കാക്കനാട് പ്രവര്‍ത്തിക്കുന്ന ലിന്‍വേയ്‌സ് ടെക്‌നോളജീസ് എന്ന കമ്പനിയിലെ കമ്പ്യൂട്ടര്‍ എന്‍ജിനീയറാണ് ജേക്കബ് തോമസ്.
ഓഫീസിലെ ജോലിസമ്മര്‍ദ്ദം താങ്ങാനാവുന്നില്ലെന്ന് ജേക്കബ് മാതാപിതാക്കളോട് പലതവണ പറഞ്ഞിരുന്നു.
ഇതുമായി ബന്ധപ്പെട്ട വിഡിയോ സന്ദേശം ശനിയാഴ്ച പുലര്‍ച്ചെ രണ്ടുമണിക്ക് ജേക്കബ് മാതാവിന് അയക്കുകയും ചെയ്തു.
ജോലിസമ്മര്‍ദ്ദം താങ്ങാന്‍ ആകുന്നില്ലെന്നാണ് ഈ വീഡിയോ സന്ദേശത്തില്‍ പറഞ്ഞിരുന്നത്. ഇതിന് പിന്നാലെയാണ് ആത്മഹത്യ ചെയ്തത്.
