ആലപ്പുഴ: വഖഫ് ബിൽ രാജ്യസഭയിൽ പാസായതിൽ
പ്രതികരിച്ച് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ബിൽ പാസായത് നല്ലതെന്ന് വെള്ളാപ്പള്ളി നടേശൻ പറഞ്ഞു.
ബിൽ മുസ്ലിംകൾക്ക് എതിരല്ലെന്ന് പ്രധാനമന്ത്രി നരേന്ദ്ര മോദി ആവർത്തിച്ചു പറയുന്നുണ്ട് എന്നും വർഷങ്ങളായി താമസിക്കുന്ന മുനമ്പത്തെ ജനങ്ങളെ അവരുടെ ഭൂമിയിൽ നിന്നും ഇറക്കി വിടുന്നത് ശരിയല്ലെന്നും വെള്ളാപ്പള്ളി പറഞ്ഞു.
ഇന്ത്യൻ രാഷ്ട്രീയത്തിൽ മുസ്ലിംകൾക്ക് എത്ര ശക്തിയുണ്ടെന്ന് ഈ ബിൽ തെളിയിച്ചു. അതിനെ ചെറുതായി കാണരുത് എന്നും നിയമഭേദഗതി പാവപ്പെട്ട മുസ്ലിംകൾക്ക് എതിരല്ലെന്നും വെള്ളാപ്പള്ളി പറഞ്ഞു.
മുനമ്പത്ത് പോയി പ്രസംഗിച്ചവരും ബില്ലിനെ എതിർത്തു വോട്ടു ചെയ്തത് വിരോധാഭാസമാണെന്നും വെള്ളാപ്പള്ളി നടേശൻ കൂട്ടിച്ചേർത്തു.
Discussion about this post