കോഴിക്കോട്: ബൈക്കിലിടിച്ച് കാർ തല കീഴായി മറിഞ്ഞു. താമരശ്ശേരി ചുരത്തിലാണ് അപകടം.
അപകടത്തിൽ മൂന്ന് പേർക്ക് പരിക്കേറ്റു. ഇന്ന് ഉച്ചയ്ക്ക് പന്ത്രണ്ടരയോടെയാണ് അപകടമുണ്ടായത്.
കർണാടക കുടക് സ്വദേശികളാണ് കാറിലുണ്ടായിരുന്നത്. കാർ യാത്രക്കാർ ഷെമീർ, ഷെഹീൻ, റെഹൂഖ് എന്നിവർക്കാണ് പരിക്കേറ്റത്. ബൈക്ക് യാത്രികനായ മുനവ്വറിനും പരിക്കേറ്റു.
ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്. പരിക്ക് ഗുരുതരമല്ല എന്നാണ് നിലവിൽ ലഭിച്ചിരിക്കുന്ന വിവരം.
താമരശ്ശേരി ചുരം ഒന്നാം വളവിന് സമീപത്താണ്
അപകടം. ബൈക്കിലിടിച്ച കാർ നിയന്ത്രണം വിട്ട് തലകീഴായി മറിയുകയായിരുന്നു.
Discussion about this post