വണ്ടിപ്പെരിയാർ: ഇടുക്കിയിൽ വീണ്ടും കടുവയിറങ്ങി.തോട്ടം തൊഴിലാളികളുടെ പശുവിനെയും നായയെയും കൊന്നു. വണ്ടിപ്പെരിയറിന് സമീപം അരണക്കല്ലിയിൽ ആണ് സംഭവം.
വിവരമറിഞ്ഞ് വനം വകുപ്പ് സംഘം സ്ഥലത്ത് എത്തിയിട്ടുണ്ട്. പ്രദേശവാസികളായ നാരായണൻ ബാല മുരുകൻ എന്നിവരുടെ വളർത്തു മൃഗങ്ങളെയാണ്
കടുവ കൊന്നത്.
കഴിഞ്ഞ ദിവസം സമീപത്തുള്ള ഗ്രാമ്പിയിൽ ജനവാസ മേഖലയിൽ കടുവയിറങ്ങിയിരുന്നു. ഈ പരിക്ക് പറ്റിയ കടുവ തന്നെയാണ് അരണക്കല്ലിയിലും ഇറങ്ങിയതെന്നാണ് വിവരം.
കടുവയെ കണ്ടെത്തിയാൽ മയക്കുവെടിവച്ച് പിടികൂടി തേക്കടിയിലെത്തിച്ച് ചികിത്സ നൽകാനുള്ള ക്രമീകരണങ്ങളെല്ലാം ഏർപ്പെടുത്തിയിട്ടുണ്ട്. വനവകുപ്പ് സംഘം സ്ഥലത്ത് പരിശോധന നടത്തുകയാണ്.
