കോഴിക്കോട്: ബിരുദ വിദ്യാര്‍ഥിനിയെ തൂങ്ങി മരിച്ച നിലയില്‍ കണ്ടെത്തി. കോഴിക്കോട് ജില്ലയിലെ നാദാപുരം വെള്ളൂര്‍ കോടഞ്ചേരിയിലാണ് സംഭവം. ആയാടത്തില്‍ അനന്തന്റെ മകള്‍ ചന്ദന ആണ് മരിച്ചത്.
19 വയസ്സായിരുന്നു. മടപ്പള്ളി ഗവ. കോളജ് രണ്ടാം വര്‍ഷ ബിരുദ വിദ്യാർഥിനിയാണ്. ഇന്ന് രാവിലെയാണ് യുവതിയെ മരിച്ച നിലയിൽ കണ്ടെത്തിയത്. നൃത്തം അഭ്യസിക്കാന്‍ എത്തിയ കുട്ടികളാണ് ചന്ദനയെ തൂങ്ങിയ നിലയിൽ കണ്ടത്.
സംഭവ സമയത്ത് വീട്ടുകാര്‍ വീട്ടിലുണ്ടായിരുന്നില്ല.മൃതദേഹം നാദാപുരം സര്‍ക്കാര്‍ ആശുപത്രിയിലേക്ക് മാറ്റി. കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ച് പോസ്റ്റ്മോര്‍ട്ടം നടപടികള്‍ പൂര്‍ത്തിയാക്കും.
Discussion about this post