കോഴിക്കോട്:നവവധുവിനെ ഭര്തൃവീട്ടില് തൂങ്ങിമരിച്ച നിലയില് കണ്ടെത്തി. കോഴിക്കോട് ജില്ലയിലെ പയ്യോളിയിലാണ് സംഭവം. ചേലിയ സ്വദേശി ആര്ദ്ര ബാലകൃഷ്ണനാണ് മരിച്ചത്.
25 വയസ്സായിരുന്നു. വെള്ളിയാഴ്ച രാത്രിയാണ് ആര്ദ്രയെ വീടിന് മുകളില് നിലയില് തൂങ്ങി മരിച്ച നിലയില് കണ്ടെത്തിയത്. കുളിക്കാന് പോയതായിരുന്നു ആര്ദ്ര.
ഏറെ നേരം കഴിഞ്ഞിട്ടും കാണാത്തതിനെ തുടര്ന്ന് അന്വേഷിച്ചപ്പോൾ മുകള് നിലയിലെ മുറി പൂട്ടിയിട്ട നിലയില് കണ്ടെത്തി. വിളിച്ചിട്ടും വാതില് തുറക്കാത്തതിനെ തുടര്ന്ന് ജനല് ചില്ലുകള് തകര്ത്തുനോക്കിയപ്പോഴാണ് മൃതദേഹം കണ്ടെത്തിയത്.
ഫെബ്രുവരി രണ്ടിനായിരുന്നു ആര്ദ്രയും ഷാനും തമ്മില് ഉള്ള വിവാഹം. എന്തെങ്കിലും പ്രശ്നം ഉണ്ടായിരുന്നതായി അറിയില്ലെന്ന് ആര്ദ്രയുടെ ബന്ധുക്കള് പറഞ്ഞു. കോഴിക്കോട് ലോ കോളജിലെ അവസാന വര്ഷ വിദ്യാര്ഥിയാണ് ആര്ദ്ര.
Discussion about this post