കൊല്ലം: മദ്യപിച്ച് റെയിൽ പാളത്തിൽ കിടന്ന 20കാരനെ രക്ഷിച്ചയാളെ വെട്ടിക്കൊന്നു. കിടപ്രം വടക്ക് പുതുവയലില് വീട്ടില് ചെമ്മീന് കര്ഷക തൊഴിലാളി സുരേഷ് ആണ് മരിച്ചത്.
കിടപ്രം വടക്ക് ലക്ഷംവീട് കാട്ടുവരമ്പില് അമ്പാടി (20) ആണ് സുരേഷിനെ വെട്ടിക്കൊന്നത്. ആക്രമണത്തിനുശേഷം ഒളിവില്പ്പോയ അമ്പാടിയെ
കിഴക്കെ കല്ലട പൊലീസും നാട്ടുകാരും ചേര്ന്ന് രാത്രി പതിനൊന്നരയോടെയാണ് പിടികൂടിയത്.
വെള്ളിയാഴ്ച രാത്രി ഏഴരയോടെയാണ് സംഭവം. അമ്പാടിയുടെ വീടിന് സമീപത്തുവച്ചാണ് സുരേഷിന് വെട്ടേറ്റത്.ഒട്ടേറെ ക്രിമിനല് കേസുകളില് പ്രതിയാണ് അമ്പാടി.
വെള്ളിയാഴ്ച വൈകീട്ട് പടിഞ്ഞാറെ കല്ലട കല്ലുംമൂട്ടില് ക്ഷേത്രത്തില് ഉത്സവത്തിനിടെ പ്രശ്നങ്ങളുണ്ടാക്കിയ അമ്പാടിയെ നാട്ടുകാര് ഓടിച്ചുവിട്ടു. പിന്നാലെ തീവണ്ടിപ്പാതയിലേക്ക് കയറി ആത്മഹത്യാഭീഷണി മുഴക്കിയ പ്രതിയെ നാട്ടുകാര് താഴെയിറക്കി.
സുരേഷ്, അമ്പാടിയെ വീട്ടിലെത്തിച്ച ശേഷം മടങ്ങി. വീട്ടിനുള്ളിലേക്ക് കയറിപ്പോയ അമ്പാടി കൊടുവാളുമായി ഇറങ്ങിവന്ന് പിന്നിലൂടെയെത്തി സുരേഷിന്റെ കഴുത്തിന് വെട്ടുകയായിരുന്നു. ഗുരുതരമായി പരിക്കേറ്റ സുരേഷിനെ ഉടൻ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.
Discussion about this post