പാലക്കാട്: പട്ടാമ്പിയില്‍ ബൈക്ക് ടാങ്കര്‍ ലോറിയിലിടിച്ചുണ്ടായ അപകടത്തില്‍കോളേജ് വിദ്യാര്‍ത്ഥിനി മരിച്ചു. പട്ടാമ്പി – പുലാമന്തോള്‍ പാതയില്‍ വള്ളൂര്‍ രണ്ടാം മൈല്‍സിനടുത്താണ് അപകടമുണ്ടായത്. പെരിന്തല്‍മണ്ണ ഏലംകുളം എറയത്ര വീട്ടില്‍ ഫാത്തിമ അന്‍സിയ(18)യാണ് മരിച്ചത്.
ബൈക്ക് ഓടിച്ചിരുന്ന സുഹൃത്ത് കൊണ്ടോട്ടി സ്വദേശി പുത്തലംവീട്ടില്‍ ഷമീര്‍ പരുക്കുകളില്ലാതെ രക്ഷപെട്ടു. ഷെമീറും ഫാത്തിമയും സഞ്ചരിച്ച ബൈക്ക് ടാങ്കര്‍ ലോറിയില്‍ ഇടിച്ചാണ് അപകടമുണ്ടായത്. റോഡിലേക്ക് തെറിച്ചു വീണ ഫാത്തിമയ്ക്ക് ഗുരുതരമായി പരുക്കേറ്റിരുന്നു.
ഉടന്‍ പെരിന്തല്‍മണ്ണയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മലബാര്‍ ഇന്‍സ്റ്റിറ്റ്യൂട്ട് ഓഫ് പാരാമെഡിക്കലില്‍ ഫാര്‍മസി ഡിപ്ലോമ വിദ്യാര്‍ത്ഥിനിയായിരുന്നു ഫാത്തിമ അന്‍സിയ.
