മലപ്പുറം: ആനയെ തുരത്താൻ വേണ്ടി സ്ഥാപിച്ച മതിൽ ആനകൾ തകർത്തെറിഞ്ഞ നിലയിൽ. ഇതോടെ കാട്ടാന ഭീതിയിലായിരിക്കുകയാണ് മലപ്പുറം ജില്ലയിലെ
ചോക്കാട് നിവാസികൾ.
വനത്തില്‍നിന്ന് ജനവാസ കേന്ദ്രത്തിലേക്ക് ആനകള്‍ കടന്നുവരുന്നത് തടയാൻ ചോക്കാട് നാല്‍പ്പത് സെൻറ് ആദിവാസി നഗറില്‍ വനംവകുപ്പ് നിർമിച്ച ആനമതിലാണ് കാട്ടാനകള്‍ തകർത്തത്.
20 വർഷം മുമ്പ് വനാതിർത്തിയോട് ചേർന്നുനില്‍ക്കുന്ന വീടുകളുടെ സംരക്ഷണത്തിനായി നിർമിച്ച കരിങ്കല്‍ മതിലാണ് കാട്ടാനകള്‍ തകർത്തത്. മതിലില്ലാത്ത സ്ഥലങ്ങളില്‍ സോളാർ വേലിയുണ്ട്. മതില്‍ തകർന്ന ഭാഗങ്ങളിലൂടെ കാട്ടാനക്കൂട്ടം എത്തുമോ എന്ന ഭയത്തിലാണ് പ്രദേശവാസികൾ ഇപ്പോൾ.
