ന്യൂഡല്‍ഹി: തിരുവനന്തപുരത്ത് ഡിവൈഎഫ്‌ഐ സംഘടിപ്പിക്കുന്ന സ്റ്റാര്‍ട്ട് അപ്പ് ഫെസ്റ്റിവലിലേക്ക് ശശി തരൂരിനെ ക്ഷണിച്ച് നേതാക്കൾ. തന്നെ പരിപാടിയിലേക്ക് ക്ഷണിക്കാന്‍ കാണിച്ച സന്മനസ്സിന് നന്ദി തരൂർ നന്ദി അറിയിച്ചു.
മാര്‍ച്ച് 1,2 തിയതികളിൽ ടാഗോര്‍ തിയറ്ററില്‍ വച്ചാണ് പരിപാടി. ഡിവൈഎഫ്‌ഐ അഖിലേന്ത്യാ പ്രസിഡന്റ് എ എ റഹിം എംപി, സംസ്ഥാന സെക്രട്ടറി വി കെ സനോജ് എന്നിവര്‍ ഡല്‍ഹിയിലെ വസതിയിലെത്തിയാണ് തരൂരിനെ പരിപാടിയിലേക്ക് ക്ഷണിച്ചത്.
എന്നാൽ തനിക്ക് പരിപാടിയിൽ പങ്കെടുക്കാൻ സാധിക്കില്ലെന്ന് തരൂർ നേതാക്കളെ അറിയിച്ചു. പരിപാടിയിൽ പങ്കെടുക്കണം എന്ന് ആഗ്രഹമുണ്ടെങ്കിലും ഈ രണ്ടു ദിവസങ്ങളിലും നേരത്തെ നിശ്ചയിച്ച പരിപാടികള്‍ക്കായി യാത്ര ഉള്ളതിനാല്‍ മാവാസോയില്‍ എത്തിച്ചേരാന്‍ സാധിക്കില്ലെന്ന് തരൂർ അറിയിച്ചു.
വികസന കാര്യത്തില്‍ താന്‍ രാഷ്ട്രീയം നോക്കാറില്ലെന്നും തരൂർ പറഞ്ഞു. രാജ്യത്തു ആദ്യമായാണ് ഒരു യുവജന സംഘടന സ്റ്റാര്‍ട്ട് അപ്പ് ഫെസ്റ്റിവല്‍ നടത്തുന്നതെന്ന് ഡിവൈഎഫ്‌ഐ നേതാക്കള്‍ പറഞ്ഞു
